ဂျပန်နိုင်ငံ၊ ချီဘာဂိုမြို့မှာ ကျင်းပတဲ့ ၁၁ ကြိမ်မြောက် “U12 Junior Soccer World 2023” ပြိုင်ပွဲမှာ မြန်မာယူ-၁၂အသင်းဟာ ဂျပန်ကလပ် တိုကျိုဗာဒီယူ-၁၂အသင်းကို ၁ ဂိုး ဂိုးမရှိနဲ့ အနိုင်ရရှိခဲ့ပါတယ်။

မြန်မာစံတော်ချိန် မနက် ၁၀ နာရီမှာ ကစားခဲ့တဲ့ပွဲစဥ်မှာ မြန်မာယူ-၁၂ အသင်းအတွက် တလုံးတည်းသော အနိုင်ဂိုးကို ကျောနံပါတ် ၁၀ အောင်လက သွင်းယူပေးခဲ့ပါတယ်။

မြန်မာအသင်းဟာ သြဂုတ် ၂၅ ဒီနေ့မနက် ၇ နာရီ ၄၅ မိနစ်မှာ ယှဥ်ပြိုင်ကစားခဲ့တဲ့ အုပ်စုနောက်ဆုံးပွဲစဥ်မှာ Dawai House Dreams အသင်းနဲ့ ယှဥ်ပြိုင်ကစားခဲ့ရာ ၂ ဂိုး ၁ ဂိုး နဲ့ ရှုံးနိမ့်ခဲ့ပြီး မြန်မာအသင်းအတွက်ဂိုးကို အောင်လကပဲ သွင်းယူခဲ့ပါတယ်။

မြန်မာအသင်းဟာ အုပ်စု ဂ မှာ ၃ ပွဲကစား ၃ ပွဲလုံး ရှုံးနိမ့်ခဲ့ပေမဲ့ အုပ်စုရပ်တည်မှု အဆင့်အရ အုပ်စု ဃ မှ ဂျပန်ကလပ် တိုကျိုဗာဒီနဲ့ ဆက်လက်ယှဥ်ပြိုင်ပြီး အနိုင်ရရှိခဲ့တာပါ။

မြန်မာယူ-၁၂ အသင်းဟာ သြဂုတ် ၂၄ ရက်က ဘာစီလိုနာယူ-၁၂ အသင်းကို ၄ ဂိုး ဂိုးမရှိ၊ ဂျပန်ကလပ် ဂျေအီးအက်ဖ်ယူနိုက်တက်ကို ၃ ဂိုး ၁ ဂိုးနဲ့ ရှုံးနိမ့်ခဲ့ပါသေးတယ်။

“U12 Junior Soccer World Challenge” ပြိုင်ပွဲကို ၂၀၁၃ ခုနှစ်က စတင်ယှဥ်ပြိုင်ခဲ့ပြီး ဘာစီလိုနာအသင်းက ၅ ကြိမ်နဲ့ အများဆုံး ဗိုလ်စွဲထားပါတယ်။

Photo - MFF