ကရင်ပြည်နယ်၊ ကျုံဒိုးမြို့နယ်၊ တောင်ကြာအင်းစာသင်ကျောင်းမှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေကို သြဂုတ် ၁၈ ရက် မနေ့ နေ့လယ်ပိုင်းက ဒရုန်းနဲ့ တိုက်ခိုက်ခဲ့တယ်လို့ ဂဠုန်စစ်ကြောင်းဆီကနေ သိရပါတယ်။
ဂဠုန်စစ်ကြောင်းရဲ့ ပြန်ကြားရေးတာဝန်ခံက ခမရ ၅၄၆ ဗျူဟာဘက်က စစ်ကောင်စီဘက်က ၅ ယောက် ဒဏ်ရာပြင်းထန်စွာရပြီး ဗိုလ်ကြီးတယောက် သေဆုံးခဲ့တယ်လို့ ပြောပါတယ်။
စစ်ကောင်စီဘက်ကလည်း ၁၂၀မမ လက်နက်ကြီးနဲ့ တန်ပြန်ပစ်ခတ်တာကြောင့် အနီးနားကျေးရွာက ဒေသခံပြည်သူတချို့ ပိုင်ဆိုင်တဲ့ နွား၊ ခွေးနဲ့ ကြက်တွေ ထိမှန်သေဆုံးခဲ့တယ်လို့ သိရပါတယ်။
အဲဒီတိုက်ခိုက်မှုကို ဂဠုန်စစ်ကြောင်းရဲ့ GD2 Drone Froce တပ်ဖွဲ့၊ ကျားဖြူတပ်ခွဲ ၃ (ပျံလွှားတပ်ခွဲ)Drone တပ်ဖွဲ့တို့က ပူးပေါင်းတိုက်ခိုက်ခဲ့တာပါဖြစ်ပါတယ်။
ဒီ တော်လှန်ရေးတပ်တွေဟာ စစ်ကောင်စီတပ်နဲ့ မြေပြင်မှာ မကြာခဏဆိုသလို ထိတွေ့တိုက်ခိုက်တာတွေရှိနေပြီး စစ်ကောင်စီတပ်စခန်းတွေကိုလည်း အလစ်အငိုက် တိုက်ခိုက်ခဲ့နေတယ်လို့ သိရပါတယ်။
