တိုက်စစ်မှူးနေရာအတွက် ကစားသမားသစ်ခေါ်ယူမယ်လို့ မန်ယူအသင်းနည်းပြတန်ဟတ်ပြော အတည်ပြု ပြောပါတယ်။ 

မန်ယူအသင်းဟာ စီရော်နယ်ဒိုနဲ့ ဗက်ဟော့စ်တို့ နောက်ပိုင်းမှာ တိုက်စစ်မှူးသစ်ခေါ်ယူဖို့ ကြိုးပမ်းနေပြီး ခေါ်ယူနိုင်ဖို့ ဖြစ်နိုင်သမျှနည်းလမ်းနဲ့ လုပ်ဆောင်သွားမှာ ဖြစ်ကြောင်း နည်းပြတန်ဟတ်ဂ်ကပြောပါတယ်။

“ အပြောင်းအရွှေ့ဈေးကွက်ဆိုတာ ဘယ်တော့မှာ ကြိုသိနိုင်တာမျိုးမဟုတ်ပါဘူး။ ကျနော်တို့ရဲ့ ပစ်မှတ်တွေကိုသိပြီး လုပ်ဆောင်နိုင်သလောက်ကြိုးပမ်းသွားပါမယ်။ ပြီးတော့ ပစ်မှတ်တိုက်စစ်မှူးကို ခေါ်ယူဖို့ အစွမ်းကုန်အားထည့် လုပ်ဆောင်မှာပါ။ တိုက်စစ်မှူးနေရာက တိုးတက်ဖို့လိုအပ်နေတဲ့ဧရိယာဖြစ်ပါတယ်။”

မန်ယူအသင်းဟာ အက်တလန်တာအသင်းက ဒိန်းမတ်လူငယ်တိုက်စစ်မှူး ဟော့ဂျ်လန်းကို ခေါ်ယူလိုနေပေမဲ့ ပြောင်းရွှေ့ကြေးမြင့်မားမှုကြောင့် ခေါ်ယူဖို့ အခက်အခဲတွေ့ နေရတာ ဖြစ်ပါတယ်။