Home
မြန်မာသတင်း
CDF - KKG အတွက် ရန်ပုံငွေ ဂီတဖျော်ဖြေပွဲ ပြုလုပ်မည်
DVB
·
July 21, 2023

Chiland Defense Force - KalayKabaw Gangaw ရဲ့ တပ်ရင်းတွေအတွက် ရန်ပုံငွေရှာဖွေမယ့် ဂီတဖျော်ဖြေပွဲကို အမေရိကန်ပြည်ထောင်စု၊ Bowling Green ပြည်နယ်မှာ ဇူလိုင် ၂၂ ရက် အမေရိကန် စံ‌တော်ချိန် ည ၇ နာရီမှာ ကျင်းပသွားမယ်လို့ သိရပါတယ်။

အဆိုပါ ဂီတဖျော်ဖြေပွဲဟာ CDF - KKG Supporting North America က ကြီးမှူးကျင်းပတာဖြစ်ပြီး အထူးဧည့်သည် အဆိုရှင်တွေအနေနဲ့ Rebecca Fanai နဲ့ Shin Bia တို့လည်း ပါဝင်သီဆို ဖျော်ဖြေပေးသွားမှာ ဖြစ်တယ်လို့ ဆိုပါတယ်။

CDF-KKG ရဲ့ တာဝန်ရှိသူတဦးက “အမေရိကန်မှာ ရောက်နေတဲ့ မြန်မာတွေအနေနဲ့ မိမိတို့ တော်လှန်ရေးတပ်ဖွဲ့ကို ကူညီတဲ့အနေနဲ့ ဖျော်ဖြေပွဲကို သွားရောက်ကြည့်ရှု အားပေးကြဖို့ တိုက်တွန်းချင်တယ်” လို့ ဒီဗွီဘီကို ပြောပါတယ်။

ဖျော်ဖြေပွဲအတွက် လက်မှတ်တစောင် အမေရိကန်ဒေါ်လာ ၃၀ နှုန်း သတ်မှတ်ထားတယ်လို့ ဆိုပါတယ်။

ဒါ့အပြင် ဖျော်ဖြေပွဲကြည့်ရှုသူတွေအတွက် ပွဲအတွင်းမှာ ကံစမ်းမဲအစီစဉ်ကိုလည်း ထည့်သွင်းထားပြီး ပထမဆုအနေဖြင့် MacBook၊ ဒုတိယဆုအနေနဲ့ iPhone 14၊ တတိယဆုအနေနဲ့ iPad တို့ကို ပေးအပ်သွားမှာဖြစ်တယ်လို့ သိရပါတယ်။

ဓာတ်ပုံ-CDF-KKG

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024