ပါကစ္စတန်နိုင်ငံ လာဟိုးမြို့မှာ ရက်အတော်ကြာ မျှော်မှန်းထားတဲ့ မုတ်သုံမိုး ဇူလိုင် ၅ ရက်က ဝင်ရောက်တိုက်ခတ်ခဲ့ပြီး မိုးသည်းသည်းထန်ထန်ရွာခဲ့လို့ လမ်းတွေနဲ့ မြို့တွင်းက လူနေရပ်ကွက် အများအပြား ရေနစ်မြုပ်ခဲ့ပါတယ်။
ပါကစ္စတန်ရဲ့ တချို့ဒေသတွေဟာ မနှစ်က ပြင်းထန်တဲ့ ရေလွှမ်းမိုးမှုကနေ အခြေအနေ ပြန်ကောင်းခါစသာ ရှိသေးတာပါ။
မုတ်သုံရာသီဟာ အများအားဖြင့် ဇူလိုင်လ ပထမပတ်မှာ စတင်ပြီး စက်တင်ဘာလလယ်အထိ ကြာမြင့်ပါတယ်။
တောင်အာရှနိုင်ငံရဲ့ နေရာအနှံ့အပြားမှာ မုတ်သုံမိုး သည်းသည်းထန်ထန် ရွာသွန်းပြီး ရေခဲမြစ်တွေ အရည်ပျော်လို့ ကောက်ပဲသီးနှံတွေနဲ့ အခြေခံအဆောက်အအုံတွေ ပျက်စီးခဲ့ပါတယ်။
ဒီဖြစ်စဉ်ကြောင့် လူအယောက် ၁,၇၀၀ ထက်မနည်း သေဆုံးခဲ့တဲ့ ရာသီဥတုဖောက်ပြန်မှုနဲ့ ဆက်စပ်နေပြီး နိုင်ငံရဲ့ ကြီးမားတဲ့ အစိတ်အပိုင်းတွေ မနှစ်က နစ်မြုပ်သွားခဲ့ပါတယ်။
မြို့တော် အစ္စလမ္မာဘတ်၊ လာဟိုးမြို့နဲ့ ပက်ရှ်ဝါမြို့တွေမှာ စနေနေ့အထိ တခြားဒေသတွေကို ပျံ့နှံ့သွားပြီး မိုးသည်းသည်းထန်ထန် ရွာသွန်းမယ်လို့ ပါကစ္စတန်မိုးလေဝသဌာနက ပြောပါတယ်။
အစ္စလမ္မာဘတ်၊ ရာဝယ်ပင်ဒီ၊ ပက်ရှ်ဝါ၊ ဂူဂျရန်ဝါလာနဲ့ လာဟိုးမြို့တွေက မြေနိမ့်ပိုင်း ဒေသတွေထဲမှာ ခုသီတင်းပတ်နှောင်းပိုင်း ရေကြီးနိုင်ခြေရှိပြီး အနောက်ဘက်မှာရှိတဲ့ တောင်ကုန်းဒေသတွေထဲမှာ ရုတ်တရက် ရေကြီးနိုင်ခြေရှိတယ်လို့ မိုးလေဝသဌာနက သတိပေးထားပါတယ်။
ပါကစ္စတန်ဟာ မနှစ်က ရေကြီးမှုကနေ ပြန်လည်ထူထောင်ရေး ကြိုးပမ်းရာမှာ ဒေါ်လာ ၁၆ ဒသမ ၃ ဘီလီယံလောက် ကုန်ကျမယ်လို့ ခန့်မှန်းထားပြီး နိုင်ငံတကာ အလှူရှင်တွေဆီက ဒေါ်လာ ၉ ဘီလီယံကျော် ထောက်ပံ့မယ့် ကတိကဝတ်တွေ ရရှိထားပါတယ်။
Source - Reuters
