ကရင်နီ(ကယား)ပြည်နယ် အခြေစိုက်၊ ရှမ်းတောင် ဒရုန်းတပ်ပေါင်းစုက အပတ်စဥ် ၁ သင်တန်းဆင်းပွဲကို ကရင်နီပြည်ရဲ့တောတွင်းတနေရာမှာ ဇူလိုင် ၅ ရက်နေ့ မနက်က ပြုလုပ်ခဲ့တယ်လို့ တပ်ဖွဲ့မှာ သင်ကြားပေးနေတဲ့ ကိုဝီလျံက ပြောပါတယ်။
"အခုသင်တန်းဆင်းပွဲက အခြေခံသင်တန်းဆင်းပွဲပေါ့။ နောက်ထပ် ဒရုန်းဗုံးသီးကြဲနိုင်တဲ့ ဒရုန်းအကြီးတွေကို အပတ်စဥ် ၂ အနေနဲ့ပေးမှာပါ၊ ပြီးရင် ဂျက်ဖိုက်တာဆန်ဆန်သွားလို့ရတဲ့ Air craft ပုံစံမျိုးကို အပတ်စဥ် ၃ အနေနဲ့သွားမှာပါ။ ဒီ ၃ မျိုးစုံသွားရင်လည်း ဆင့်ပွားတိုးတက်နေတဲ့ နည်းပညာနောက်ကို လိုက်မှာဖြစ်သလို မစ်ရှင်တွေကိုလည်း ဖော်ဆောင်သွားမှာပါ။"
ဒရုန်းတပ်ပေါင်းစုမှာ Shan Yoma UG PDF,Urban Aung Ban Task Force,Joe Phyu Revolution Force,Red Ants,13/ရိုးမမာန်စွယ်အဖွဲ့တွေပါဝင်တယ်လို့ သိရပြီး နေရာမရွေး တော်လှန်ရေးအရွေ့ရောက်အောင် ဖော်ဆောင်သွားမယ်လို့ ရဲဘော်တွေက ပြောပါတယ်။
ဒရုန်းသင်တန်းဆင်းပွဲမှာ သက်ဆိုင်ရာအကြီးအကဲတွေရဲ့ မိန့်ခွန့်ပြောကြားတာတွေ၊ ကဗျာရွတ်ဖတ်တာတွေ၊ ဂိမ်းကစားတဲ့အစီအစဥ်တွေ၊ ဆုပေးပွဲတွေ၊ ဧည့်ခံကျွေးမွေးတာတွေ ပါဝင်တယ်လို့သိရပါတယ်။
ဒရုန်းသင်တန်းမှာ သင်ထောက်ကူ လိုအပ်မှုတွေ၊ ငွေကြေးအခက်အခဲတွေရှိနေပြီး ဒရုန်းကလည်း တိုက်ခိုက်ရေးမှာ ၅၀ ရာခိုင်နှုန်းလောက် အရေးပါတဲ့အတွက် ပြည်သူတွေအနေနဲ့ ကူညီပေးကြဖို့ကို တောင်းဆိုထားပါတယ်။
