ချယ်လ်ဆီးကြယ်ပွင့် ကိုးလ်ပါမာဟာ နိုက်ကီရဲ့ ကမ္ဘာ့ဖလားကြော်ငြာအသစ်မှာ တဦးတည်းသော အင်္ဂလန်ကစားသမားအဖြစ် ပါဝင်ခွင့်ရခဲ့ပါတယ်။
ဒါပေမဲ့ သူဟာ နည်းပြ သောမတ်စ်တူချယ်ရဲ့ အင်္ဂလန်လူစာရင်းကနေ ချန်လှပ်ခံထားရသူပါ။ ဒီဗီဒီယိုထဲမှာ စီရော်နယ်ဒို၊ အမ်ဘာပေ၊ ဟာလန်း တို့လို ကမ္ဘာ့အဆင့်ကြယ်ပွင့်တွေ ပါဝင်ကြပါတယ်။
နိုက်ကီကတော့ အင်္ဂလန်ကိုယ်စားပြုအဖြစ် ပါမာကို ရွေးချယ်ခဲ့လို့ အခြေအနေကတော့ အနည်းငယ် စိတ်ပျက်စရာ ဖြစ်ခဲ့ရပါတယ်။ ပါမာဟာ လက်ရှိမှာတော့ အင်္ဂလန်အသင်းနဲ့အတူ မလိုက်ပါရဘဲ အိုင်ဘီဇာကျွန်းမှာ အပန်းဖြေနေတာပါ။
ဒီကြော်ငြာတိုလေးကိုတော့ 'rip the script' လို့ အမည်ပေးထားပါတယ်။ ဗီဒီယိုထဲမှာ ပါမာဟာ သူ့ရဲ့ Cold အောင်ပွဲခံဟန်အတိုင်း ရေခဲပြင်ထဲမှာ ပါဝင်နေတာပါ။ သူနဲ့အတူ ဖိုဒန်၊ မက်ဂွိုင်းယားတို့လည်း အိမ်မှာပဲ ကျန်ရစ်ခဲ့ပါတယ်။
လာမဲ့ ကြာသပတေးနေ့မှာတော့ အမေရိကန်၊ ကနေဒါနဲ့ မက္ကဆီကိုတို့ ပူးတွဲအိမ်ရှင်အဖြစ် လက်ခံကျင်းပမဲ့ ကမ္ဘာ့ဖလားပြိုင်ပွဲကြီး စတင်တော့မှာ ဖြစ်ပါတယ်။
