"ကြားလို့မှ ကောင်းကြသေးရဲ့လား. . . ဟားဟား ဟားဟား ဟားဟား "

အဘစောမူးသာ့ထံမှ ထွက်ပေါ်လာသည့် စကားသံနှင့် တဆက်တည်း ရယ်သံကြီးကို  ရုတ်တရက်ကြီး ကြားလိုက်ကြရပေရာ နံနက်ခင်း၏ ရေနွေးကြမ်းဝိုင်းကွပ်ပစ်မှာ တုန်တောင်သွားပါပေ၏။

" ဟားဟား ဟားဟား ဟားဟား . . ကြင်စိုး . . . ကြင်စိုး . . နင် ဘယ်အပေါက်ချိုးပြန်ပြီလဲ . . . ဟဲ ဟဲ ဟဲ ဟဲ ဟဲ ဟဲ "

အဘစောမူးသာက ဖုန်းကိုကြည့်ရင်း ပြောလိုက် ရယ်လိုက်ပါ ခင်ဗျ။ အဘရစ်ချတ်ရယ်၊ စစ်ပြန်ကြီး အဘလုံးတုံးရယ်၊ လေရှီးက ဖေကြီးရယ် အဘစောမူးသာ့ထံမှ သတင်းထူးကို ငံ့လင့်နေကြရပါပေတော့၏။

"ဘာ ထရယ်တာလဲ မူးသာ . . . နင့်ဟာကလည်း အလန့်တကြား "

"ဟားဟား ဟားဟား ဟားဟား . . ဒီမှာဟတောကြက်ကြီးလုံးတုံးရ . . . မယ်တော်ကြီး မိဟောင်လှိုင် ပြည်သူကို လမ်းလွှဲပြန်ပကွ . .ဟ ဟ ဟ "

" ဘာတွေလဲကွာ . . . "

အဘရစ်ချတ်ကထပ်မေးတော့ အဘစောမူးသာက ' ဖြစ်ကြောင်းကုန်စင် အညာတစ်ခွင် 'ဆိုသလို ကြင်စိုး သာ၀ မအလ၏ ' အညာဇာတ်ဆန်း ' တစ်ပုဒ်ကို ပြောပြပါလေ၏။

'အင်းဝိဇ္ဇာဓိုရ် ' ဆိုသူနှင့်အဖွဲ့က မအလ၏ ရွှေတိဂုံဂေါပကလူကြီးများနှင့်ပေါင်း၍ ' အရိယာ သောတာပန် သူရဿတီ မယ်တော်ကြီး ' နှင့် ' သီရိဒေဝီ မယ်တော်ကြီး ' အမည်တပ် ' မယ်တော် ' ဟူသည့် အရုပ်တွေကို မြန်မာဆန်ဆန် အဝတ်အစားများ ဆင်မြန်းပေးကာ မြန်မာ့ကျက်သရေဆောင် ကမ္ဘာ့ကျက်သရေဆောင် ရွှေတိဂုံဘုရားမှာ ရင်ငွေ့လှုံစေပြီး ပြည်သူလူထုကို အတင်း ဖူးမြော်ဦးချခိုင်းစေတယ်ဆိုပဲ ခင်ဗျ။

' ရုပ်တု ' ဆိုပေမယ့် ' အင်္ဂတေ ' တို့ ' ပလာစတာ' တို့ 'ဖယောင်း ' တို့ ' သစ်သား' တို့ 'ကြေး'တို့ ' စကျင်ကျောက် ' တို့ဘာတို့နှင့် ထုထားတာမဟုတ်ဘဲ ' စီလီကွန် ' နှင့်ပြုလုပ်ထားသည့် အရုပ်တွေပါ တဲ့။

" နောက်ဆုံးပေါ် ' စီလီကွန် ' ဆိုတော့ ခေတ်မီတာပေါ့ မူးသာရ "

" ဟားဟား ဟားဟား ဟားဟား ဟားဟား "

အဘလုံးတုံး၏စကားကို ' အဟား ' ဖြင့်တုံ့ပြန်ပါလေ၏။ ပြီးတော့ အနှီသတင်းကို ဆက်ရှင်းပြပါ၏။ ဤမယ်တော်အရုပ်တွေမှာ ပြည်တွင်းဖြစ်မဟုတ်မူဘဲ မအလတို့ ဘောမနေရတဲ့ စိန့်တိုင်း တရုတ်ပြည်ကနေ ကြွချီလာတာပါ တဲ့။ တစ်ရုပ်ကို ဒေါ်လာ 'နှစ်ထောင့်ငါးရာ '  တောင်မှပေးရပြီး နှစ်ရုပ်ဆိုတော့ ဒေါ်လာငါးထောင်ပေါ့ဗျာ တဲ့။

" အခုလက်ရှိ ဒေါ်လာပေါက်ဈေး ငါးထောင်နဲ့မြှောက်ကြည့်ရင် အမယ်လေးလေးလေး "

" ဘာသာ သာသနာအတွက် ရက်ရက်ရောရောအကုန်အကျခံတဲ့ အဖွဲ့ပါလား ဟ "

" ဟားဟား ဟားဟား ဟားဟား . . . . . "

နိဂုံးချုပ်တော့ ဤအရုပ်တွေမှာ အမျိုးသမီးတွေနှင့်ဝေးနေသည့်၊ အိမ်ထောင်ဘက်တွေနှင့် လရှည် ခွဲခွာနေရသည့် အမျိုးသားတွေအတွက် မူလ ပထမ လက်ဦးမဆွက ထုတ်လုပ်ထားသည့် လူနှင့်အတော်တူပြီး လူ့အသားအရေနှင့် အတော်နီးစပ်အောင်ဖန်တီး ထားသည့် 'အင်္ဂါစုံပါ ' အရုပ်တွေပါတဲ့ ခင်ဗျ။

သူတို့ကို ပုံစံမျိုးစုံအောင် ပြုလုပ်၍ရပါသတဲ့။ ထိုင်ခိုင်းမလား၊ ရပ်ခိုင်းမလား၊ စောင်းခိုင်းမလား၊ ကုန်းခိုင်းမလား၊ ကော့ခိုင်းမလား . . . အားလုံး အိုကေပါ တဲ့။ ပြီးတော့ သူတို့ရဲ့ အတွင်းပစ္စည်းတွေဟာလည်း သက်ရှိအမျိုးသမီးတွေနှင့် နင်လား ငါလား ချွတ်စွတ်တူအောင် ဖန်တီးထားတာ ဆိုပါလား ခင်ဗျာ။

" အေးကွာ . . . အဲသလို ' လိင်ကိစ္စ ' ကိုဖြေ ရှင်းပေးတဲ့ ' Silicone Sex Dolls ' အရုပ်မ တွေကိုမှ မအပ်မရာ မကြံကောင်းမစည်ရာကွာ၊ ဘာသာ သာသနာနဲ့မှ မကြောက်မရွံ့ ' တွဲ ' ရက်တဲ့ ကြင်စိုး သာ၀ မအလ "

" ဟားဟား ဟားဟား ဟား ဟား . . . . . . "

ဖေကြီးတို့တစ်ဖွဲ့လုံး အုံးအုံးထ ရယ်ချလိုက်မိကြပါလေတော့၏။ ' လုပ်ရက်ပ အဘရာ . . . ကြေမွ ' လို့ သီချင်းပင် ထပြီးဟစ်ရမလိုပါပေ။

အဘလုံးတုံးကလည်း သုံးသပ်ပါ၏။ တိုင်းပြည်နဲ့လူထုကို ဒီလိုနည်းနဲ့ လမ်းလွှဲလာတာ နှစ်ငါးဆယ် ' ရာစုဝက် ' မကတော့ဘူး၊ ' စိန်ရတု 'တောင် တိုင်ခဲ့ပါပြီ တဲ့။

" အဲသည် အရုပ်တွေကိုမြင်ရတော့ ရေတပ်က ထွက်ပြီး သင်္ဘောသားလုပ်သွားတဲ့ တစ်ခါကငါ့ သူငယ်ချင်းအဖြစ်ကို သတိရမိသွားသဗျား . . . . ဟားဟား ဟား ဟား ဟား ဟား "

စစ်ပြန်ကြီးအဘလုံးတုံးက သူ့ဟာသူပြောပြီး သူ့ဟာသူ တဟားဟား ထရယ်ပါလေ၏ ခင်ဗျာ။ သူ၏ဇာတ်လမ်းကို ဖေကြီးတို့တွေ စိတ်ဝင်စားနေကြပြီ ဖြစ်ပါ၏။

" ရေတပ်ကနေထွက်ပြီး စောစောစီးစီး ကမ္ဘာပတ်ခဲ့တဲ့ကောင် ' မောင်ပု ' လေကွာ . . ဟားဟား ဟားဟား ဟားဟား . . . . . "

ဒီလိုနဲ့ ကမ္ဘာကိုပတ်ကာ ဒေါ်လာတွေရှာ အိမ်ကို ပုံမှန်ပြန်ပြန်ပို့ပြီး ဝန်းတွေခြံတွေနဲ့ မိသားစု  ပြည့်ပြည့်စုံစုံ ကျကျနနကို နေထိုင်နိုင်ခဲ့ပါသတဲ့။ 

နိုင်ငံတကာဆိပ်ကမ်းတွေ ရောက်ရင်လည်း ကုန်းပေါ်တက် ' ကဲ ' ပေမယ့် ' အရက် ' ကိုပဲ စွဲစွဲမြဲမြဲ တွယ်တာကာ ' အပျော်မယ်' ကို ရွံရှာသူပါတဲ့။

ထို မောင်ပုကား သင်္ဘောပေါ်တွင် အရေးပါသူ တစ်ဦးဖြစ်ပြီး သူ၏အခန်းကို သူကိုယ်တိုင် ရှင်းစရာမလိုဘဲ ကျန်အဆင့်လူများက အလှည့်ကျ  သန့်ရှင်းရေး ဘာညာ လုပ်ပေးရပါသတဲ့။

“အဲသည်လိုနဲ့ ဥရောပကအပြန် ပင်လယ်ပြင်ကြီးထဲက တစ်ရက် တစ်မနက်မှာ မောင်ပုရဲ့ အခန်းကနေ ဒေါသတကြီး အော်ဟစ်ပြီး ' ငါကိုင်တုတ် ' နေတာ ' င လ မ သ ' တွေကော၊ ' မ အ လ ' တွေကော၊ ' န မ လ ' တွေကော၊ ' က မ က လ ' တွေကော မိုးကိုမွှန်နေတာပဲ တဲ့ကွ . . . ဟ ဟ ဟ"

ပြီးတော့မှ သင်္ဘောပေါ်ကဆေးမှူးကို အခန်းထဲခေါ်ပြီး ' ပင်နယ်ဆလင် ' ထိုးရပါသတဲ့။ အဖြစ်ကတော့ မနှစ်ကနဲ့မတူ ဆိုသလို ဒုက္ခလှလှကြီးနဲ့ တွေ့ကြုံရတာပါတဲ့။

" ဘယ်လိုဖြစ်တာလဲဟ လုံးတုံးရ "

" ဟားဟား ဟားဟား ဟားဟား . . . . . . "

ဒီလိုပါတဲ့ . . . ညတုန်းက သူ့အခန်းထဲမှာ သူ့အမျိုးသမီး ' မော်ဒယ် ' Sex Doll ရာဘာအရုပ်နဲ့ အိစက်ညက်ညောတဲ့ ဖဲမွေ့ယာပေါ်မှာ  နှစ်ကိုယ်တူချစ်အမျှ ချစ်တလင်းနယ်ခဲ့ပြီး မနက်လည်းကျရော အဲသလို ' ကိုဖိုးကြာ ' အဖြစ် အမည်သစ် ရခဲ့တာပါတဲ့ ခင်ဗျ။

ဇာတ်ပေါင်းရရင်တော့ သူ တစ်ကိုယ်တော်ဒိုင်ရှို ကြိတ်ပြီးသုံးစွဲနေတဲ့ အဲသည်မာတုဂါမအရုပ်ကို  မနေ့ကနေ့လယ် သူ့အခန်းကို သန့်ရှင်းရေးလုပ်တဲ့ သူကောင်းသားက အမှတ်မထင်တွေ့ရှိပြီး လူလစ်တုန်း တူနှစ်တိုင်းပြည် အမြန်တည်ဆောက်ကာ လူမမိခင် သုတ်ချေတင်သွားပုံပါပဲတဲ့ ခင်ဗျ။

" အဲသည်ကောင်ကလည်း အလစ်မှာ အမြန်' တွယ် ' ရတာဆိုတော့ အရုပ်မကို ရေပြန်ဆေး ဘာညာ သန့်ရှင်းရေး ဘာညာ လုပ်မသွားနိုင်ခဲ့ဘူးထင်ပါရဲ့ဗျား . . . ဟားဟား ဟားဟာဟား "

" ဟားဟား ဟားဟား ဟားဟား ဟားဟား "

သည်လို သည်ပုံကိုး ခင်ဗျ။ ဤသည်ကား ' အရုပ်မကပေးသည့် ရောဂါ ' ပါတကား။ အဘရစ်ချတ်ကော အဘစောမူးသာကော အဘလုံးတုံးပါ အရယ်သန်သူများပီပီ အပြိုင်ရယ်ကာ အရယ်ပြိုင်နေကြပါပေတော့၏။ ခဏနေတော့ အဘလုံးတုံးက တွေးတွေးဆဆ ပြောပါ၏။

" အခု တရုတ်ကကြွလာတဲ့ မယ်တော်အရုပ်တွေဆီမှာလည်း ရောဂါပေါင်းစုံ ကပ်ပါလာနိုင်တယ် ကွ"

" အေးဟ . . . ကြင်စိုး သာ၀ မအလကြီးတော့ ဒုက္ခရောက်အုံးမှာပါဗျား "

" ဟားဟား ဟားဟား ဟားဟား ဟားဟား . . "

 ဖေကြီး (လေရှီး)