ရှမ်းပြည်နယ်မြောက်ပိုင်း၊ ကျောက်မဲမြို့နယ်အတွင်း ဖြစ်ပွားခဲ့တဲ့ တိုက်ပွဲကြောင့် အိုးအိမ်စွန့်ခွာ တိမ်းရှောင်နေရတဲ့ စစ်ဘေးသင့်ပြည်သူတွေကို ရှမ်းပြည်တိုးတက်ရေးပါတီ (SSPP/SSA) တပ်ဖွဲ့က မေ ၂၅ ရက်နေ့မှာ ကျပ်သိန်းပေါင်း ၂,၅၀၀ ထောက်ပံ့ပေးခဲ့ပါတယ်။
ကျောက်မဲမြို့နယ်မှာ ပြီးခဲ့တဲ့ ၂၀၂၀ ခုနှစ်ကနေ ၂၀၂၂ ခုနှစ်အတွင်း မြောက်ပိုင်းမဟာမိတ်တပ်ပေါင်းစုနဲ့ ရှမ်းပြည်ပြန်လည်ထူတောင်ရေးကောင် (RCSS/SSA) တပ်တို့ကြား ဖြစ်ပွားခဲ့တဲ့ တိုက်ပွဲတွေကြောင့် နေရပ်ဒေသတွေကို အကြောင်းအမျိုးမျိုးကြောင့် ပြန်လည်အခြေချဖို့ ခက်ခဲတဲ့ပြည်သူ ၂၂၈ ဦးကို ဗိုလ်မှူးကြီး Ling Seng ဦးဆောင်တဲ့အဖွဲ့က ထောက်ပံ့ကူညီပေးခဲ့တာလို့ SSPP/SSAတပ်ဖွဲ့က ထုတ်ပြန်ထားပါတယ်။
ပြီးခဲ့တဲ့ရက်ပိုင်းက အာဏာသိမ်းစစ်ကောင်စီနဲ့ သွားရောက်တွေ့ဆုံခဲ့တဲ့ ဗိုလ်ချုပ်ကြီးယွက်ဆစ် ဦးဆောင်တဲ့ ရှမ်းပြည်ပြန်လည်ထူထောင်ရေးကောင်စီ (RCSS/SSA) တပ်ဖွဲ့ဟာ တနိုင်ငံလုံးအပစ် ခတ်တိုက်ခိုက်မှုရပ်စဲရေးဆိုင်ရာသဘောတူစာချုပ် (NCA) ကို ၂၀၁၅ ခုနှစ်က လက်မှတ်ရေးထိုးထားတဲ့ တပ်ဖွဲ့တခုဖြစ်ပြီး SSPP/SSA ပါဝင်တဲ့ မြောက်ပိုင်းမဟာမိတ်တပ်ပေါင်းစုနဲ့ လက်ရှိအချိန်ထိ စစ်ရေးတင်းမာမှုတွေရှိနေပါတယ်။
ရှမ်းပြည်နယ်မြောက်ပိုင်းနဲ့ တောင်ပိုင်းအတွင်း နှစ်ဖက်ပစ်ခတ်တိုက်ခိုက်မှုတွေကြောင့် အရပ်သားနေအိမ်တွေ ထိခိုက်ပျက်စီးတာရှိသလို အိုးအိမ်စွန့်ခွာတိမ်းရှောင်နေရတဲ့ ပြည်သူလူထုထောင်တဲ့ချီရှိနေပါတယ်။
