အင်္ဂလန် တိုက်စစ်မှူးဟောင်း အန်ဒီကာရိုးဟာ လိင်ပိုင်းဆိုင်ရာ စော်ကားခံခဲ့ရမှုနဲ့ ပတ်သက်ပြီး လူသိရှင်ကြား ထုတ်ဖော်ပြောဆိုခဲ့အပြီးမှာ လူထုထံက ရရှိခဲ့တဲ့ ထောက်ခံအားပေးမှုတွေအတွက် ကျေးဇူးတင်စကား ဆိုလိုက်ပါတယ်။

အသက် ၃၆ နှစ်အရွယ် ကာရိုးဟာ ၂၀၂၁ ခုနှစ်က နယူးကာဆယ်အသင်းမှာ ကစားနေစဉ်အတွင်း သူ့ရဲ့နေအိမ်မှာ အဆိုပါဖြစ်ရပ်နဲ့ ရင်ဆိုင်ခဲ့ရတာပါ။

ကျူးလွန်သူကိုယ်တိုင်က ၂၀၂၃ ခုနှစ်မှာ ထောင်ဒဏ် လ ၂၀ ချမှတ်ခံခဲ့ရပြီး ဖြစ်ပါတယ်။

အန်ဒီကာရိုးဟာ ‘Owning It’ လို့ အမည်ပေးထားတဲ့ အတ္ထုပ္ပတ္တိ စာအုပ်မှာ အဆိုပါဖြစ်ရပ်ဆိုးကို ဖော်ပြခဲ့တာ ဖြစ်ပါတယ်။

ပရိသတ်တွေနဲ့ မိတ်ဆွေတွေဆီက ရရှိခဲ့တဲ့ အားပေးမှုတွေကြောင့် စိတ်သက်သာရာ ရရှိခဲ့ကြောင်းလည်း သူက ပြောကြားခဲ့ပါတယ်။