၂၀၂၆ ဖီဖာ ကမ္ဘာ့ဖလား အုပ်စုပွဲစဉ်မှာ ကိုလံဘီယာအသင်းက ကမ္ဘာ့ဖလားကို ပထမဆုံး ဝင်ခွင့်ရလာတဲ့ ဥဇဘက်ကစ္စတန်အသင်းကို ၃ ဂိုး ၁ ဂိုးနဲ့ အနိုင်ရရှိသွားပါတယ်။

ဒီပွဲမှာ ကိုလံဘီယာအတွက် အဖွင့်ဂိုးကို လူးဝစ်ဒီယက်ဇ်ရဲ့ ဖန်တီးမှုကနေတဆင့် ဒန်နီယယ်လ် မူနော့ဇ်က သွင်းယူခဲ့တာပါ။

ပွဲချိန် မိနစ် ၆၀ မှာ ဥဇဘက်ကစ္စတန်က ချေပဂိုး ပြန်သွင်းနိုင်ခဲ့ပေမဲ့ ၅ မိနစ်အကြာမှာပဲ လူးဝစ်ဒီယက်ဇ်က ကိုလံဘီယာအတွက် ဒုတိယဦးဆောင်ဂိုးကို သွင်းယူပေးခဲ့ပါတယ်။

ပွဲပြီးခါနီး နာကျင်အချိန်ပို ၉ မိနစ်မှာ လူစားဝင်ကစားသမား ကမ်ပက်ဇ်က တတိယဂိုးကို ထပ်မံသွင်းယူခဲ့ပါတယ်။ ဒီပွဲစဉ်အပြီးမှာတော့ ပြိုင်ပွဲဝင် အသင်း ၄၈ သင်းစလုံးရဲ့ ပထမဆုံး အုပ်စုပွဲစဉ်တွေ အားလုံး ကစားပြီးစီးသွားပြီ ဖြစ်ပါတယ်။