မ​ကွေးတိုင်း၊ ဆောမြို့နယ်၊ သီးကုန်း‌ကျေးရွာမှာ အထိုင်ချတပ်စွဲထားတဲ့ စစ်အာဏာရှင်တပ်က အရပ်သားတယောက်ကို သတ်ဖြတ်သွားသလို ‌နေအိမ် ၉ လုံးကို မီးရှို့ဖျက်ဆီးသွားတယ်လို့ ​ဆောမြို့နယ် ပြည်သူ့ကာကွယ်ရေးတပ်ဖွဲ့ဆီက သိရပါတယ်။

နိုဝင်ဘာ ၁ ရက်က သီးကုန်းကျေးရွာမှာ အထိုင်ချတပ်စွဲထားတဲ့ စစ်တပ်ဟာ အရပ်သား တယောက်ကို သတ်ပြီး​နောက် နိုဝင်ဘာ ၂ ရက်​မှာ သီးကုန်းကျေးရွာက စစ်ဘေးရှောင်နေရတဲ့ အရပ်သား​နေအိမ် ၉ လုံးကို မီးရှို့ဖျက်ဆီးသွားတယ်လို့ ဆိုပါတယ်။

​ဒေသခံတ​ယောက်က “​နေအိမ်​တွေကို မီးရှို့လို့ ​ဒေသခံက ဆဲဆိုလို့ ဖမ်းဆီးခံရပြီး နှိပ်စက်တာ အိမ်ပြန်​ရောက်မှ သေသွားတယ်လို့​တော့ သိထားရတယ်။ စစ်တပ်က ရှိ​နေ​သေးတော့ အ​သေးစိတ် သိရဖို့ မလွယ်ဘူး”လို့ ​ပြောပါတယ်။

နိုဝင်ဘာ ၂ ရက်​မှာပဲ ပေါက်မြို့နယ် ကပစ ၂၄ က​နေ ထွက်လာတဲ့ စစ်တပ် ကားကြီး ၆ စီးနဲ့ အင်အား ၃၀၀ ပါ စစ်​ကြောင်းဟာ ဆောမြို့နယ် တပြင်းကျေးရွာကို ရောက်ရှိလာတယ်လို့ သိရပါတယ်။

အဲဒီစစ်ကြောင်းဟာ ကျောက်ထုမြို့ အမှတ် ၃၆၈ အ​မြောက်တပ်ကို သွားမှာဖြစ်သလို ဆောမြို့နယ် ကြီးကျေးရွာကို ရောက်နေတဲ့ စစ်ကြောင်းလည်း ဒဏ်ရာရရှိထားတဲ့ တပ်သား​တွေကို ကျောက်ထုမြို့ အ​မှတ် (၃၆၈) အ​မြောက်တပ်ကို ပို့ဆောင်မယ်လို့ သိရပါတယ်။

ဒါကြောင့် စစ်တပ်စစ်‌​ကြောင်း ထိုးလှုပ်ရှားလမ်းပိုင်း​တွေဖြစ်တဲ့ “ကြီး-ကျောက်ထု၊ တပြင်း-ကျောက်ထုလမ်းပိုင်း”​ တွေကို ပြည်သူ​တွေ ဂရုပြုကြဖို့ ​တော်လှန်​ရေးတပ်​တွေက ထုတ်ပြန်ထားပါတယ်။