ဘဲနင်းမြို့ကနေ လာဂို့စ်မြို့ကို ပျံသန်းလာတဲ့ နိုင်ဂျီးရီးယား စစ်လေယာဉ်တစင်းဟာ အောက်တိုဘာ ၅ ရက်က အနောက်တောင်ပိုင်း အွန်ဒိုပြည်နယ်မှာ ပျက်ကျခဲ့ပြီး ခရီးသည် ၂၅ ယောက်နဲ့ လေယာဉ်အဖွဲ့ဝင် ၇ ယောက် သေဆုံးသွားပါတယ်။
ပျက်ကျတဲ့နေရာအနီးမှာ ဒေသခံတွေ စုရုံးရောက်ရှိလာကြပြီး အသက်ရှင်ကျန်ရစ်သူတွေကို ကယ်တင်ဖို့ လုံးဝမဖြစ်နိုင်တော့ဘူးလို့ မျက်မြင်သက်သေတယောက်က ပြောပါတယ်။
အသက်ရှင်ကျန်ရစ်သူ မရှိတော့ကြောင်း အတည်ပြုရင်း သမ္မတ ဘိုလာ တီနူဘုက “နက်နက်ရှိုင်းရှိုင်း ဝမ်းနည်းကြေကွဲရမှု” ကို ဖော်ပြခဲ့ပြီး လေယာဉ်ပေါ်ပါလာသူတွေရဲ့ မိသားစုတွေအတွက် ဝမ်းနည်းကြောင်း ပြောကြားခဲ့ပါတယ်။
လေကြောင်းဝန်ကြီး ဖက်စတပ်စ် ကီယာမိုရဲ့ ပြောကြားချက်အရ နိုင်ဂျီးရီးယားလေတပ်သုံး ATR-42 လေယာဉ်ဟာ ဘဲနင်းမြို့ကနေ လာဂို့စ်မြို့ကို အလှည့်ကျပျံသန်းမှု လုပ်ဆောင်ရင်း တနင်္လာနေ့ ဂရင်းနစ်စံတော်ချိန် ၈ နာရီ ၁၃ မိနစ်မှာ လေကြောင်းထိန်းသိမ်းရေးအဖွဲ့နဲ့ အဆက်အသွယ် ပြတ်တောက်သွားခဲ့တာ ဖြစ်ပါတယ်။
ဒီမတော်တဆမှုဟာ မကြာသေးတဲ့နှစ်တွေအတွင်း နိုင်ဂျီးရီးယားနိုင်ငံမှာ အသေအပျောက် အများဆုံး လေကြောင်းဘေးအန္တရာယ်တွေထဲက တခုဖြစ်ပါတယ်။
နောက်ပိုင်းမှာ လေယာဉ်အပျက်အစီး အကြွင်းအကျန်တွေကို ကမ်းရိုးတန်းမြို့လေးဖြစ်တဲ့ အစ်ဂ်ဘိုကိုဒါ အနီးမှာ ရှာဖွေတွေ့ရှိခဲ့ပြီး ရှာဖွေရေးနဲ့ ကယ်ဆယ်ရေးအဖွဲ့တွေကို စေလွှတ်ထားပါတယ်။
Source: Reuters
