မြဝတီ-မဲဆောက် တံတားအမှတ် ၂ သီတင်းကျွတ်ကာလ ၅ ရက်ပိတ် (ဓာတ်ပုံ)
DVB
·
October 17, 2021
မြန်မာသီတင်းကျွတ်ကာလ မြဝတီ-မဲဆောက်မှာရှိတဲ့ နယ်စပ်ဝင်ပေါက် မြန်မာ-ထိုင်း ချစ်ကြည်ရေးတံတားအမှတ် ၂ ကို အောက်တိုဘာ ၁၇ ကနေ ၂၁ ရက်အထိ ပိတ်လိုက်တယ်လို့ သိရပါတယ်။
ရုံးပိတ်ရက်ဖြစ်တဲ့အတွက် ကြိုဆိုလက်ခံရတဲ့ အခက်အခဲရှိတာကြောင့် ပိတ်လိုက်တာဖြစ်ပြီး အောက်တိုဘာ ၂၂ ရက်နေ့မှာတော့ ထိုင်းရောက် ရွှေ့ပြောင်းအလုပ်သမားတွေ နေရပ်ပြန်ဖို့ ပုံမှန်ပြန်လည်လက်ခံ ဖွင့်ပေးသွားမှာ ဖြစ်ပါတယ်။
မြန်မာ-ထိုင်းနယ်စပ်ကနေ တစ်ရက်ခြား ၅၀၀ ဦး လက်ခံကြိုဆိုနေပြီး ကျန်းမာရေးမကောင်းဘဲ ပြန်လာတဲ့ ရွှေ့ပြောင်းအလုပ်သမားတွေလည်း ရှိပါတယ်။
ကိုဗစ်ဗိုင်းရပ်စ် ထိန်းချုပ်နိုင်ဖို့အတွက် နယ်စပ်သဘဝဂိတ်ပေါက်တွေမှာ မြန်မာနဲ့ ထိုင်း နှစ်နိုင်ငံ လုံခြုံရေး တင်းကျပ်ထားတာလည်း ဖြစ်ပါတယ်။
