ဥရောပဘောလုံးအဖွဲချုပ် (UEFA) ဥက္ကဋ္ဌ အလက်ဇန်းဒါးဆီဖာရင်က ကမ္ဘာ့ဘောလုံးအဖွဲ့ချုပ် (FIFA) ဥက္ကဋ္ဌ ဂျန်နီအင်ဖန်တီနိုရဲ့ လုပ်ရပ်အပေါ်  ပြင်းပြင်းထန်ထန် ဝေဖန်လိုက်ပါတယ်။

အင်ဖန်တီနိုဟာ ကမ္ဘာ့ဖလားပြိုင်ပွဲရဲ့ ရှယ်ယာတွေကို ရောင်းချဖို့ ကြိုးစားခဲ့တဲ့ အစီအစဉ်ဟာ ဘောလုံးလောကရဲ့ အနာဂတ်အတွက် အန္တရာယ်ရှိတယ်လို့ ဆီဖာရင်က သုံးသပ်ပါတယ်။

ဆီဖာရင်က အင်ဖန်တီနိုရဲ့ ဒီအစီအစဉ်ကို “Super League ထက်တောင် ပိုဆိုးတယ်” လို့ တိုက်ရိုက်ပြောဆိုခဲ့ပါတယ်။ 

Super League ဆိုတာကလည်း ဥရောပထိပ်တန်းကလပ်အသင်းတွေ စုပေါင်းပြီး သီးခြားပြိုင်ပွဲတခု ဖန်တီးဖို့ ကြိုးစားခဲ့တဲ့ အစီအစဉ်တခု ဖြစ်ပါတယ်။

အဲဒီတုန်းကလည်း ဘောလုံးပရိသတ်တွေရဲ့ ပြင်းထန်တဲ့ ကန့်ကွက်မှုတွေနဲ့ ရင်ဆိုင်ခဲ့ရပါတယ်။ အခု အင်ဖန်တီနိုရဲ့ လုပ်ရပ်ကလည်း အလားတူ ဝေဖန်မှုတွေ ထွက်ပေါ်လာနိုင်တယ်လို့ ဆီဖာရင်က သတိပေးလိုက်တာပါ။