![](https://burmese.dvb.no//wp-content/uploads/2021/09/241525445_1170631370124709_6540361243209914194_n.jpg)
တနင်္သာရီတိုင်း၊ ထားဝယ်ခရိုင် လောင်းလုံးမြို့နယ် သဘော့ဆိပ်ကျေးရွာမှာ စက်တင်ဘာ ၉ ရက်နေ့ မနက် ၁၁ နာရီလောက်က အုပ်ချုပ်ရေးမှူးတစ်ဦး အသတ်ခံခဲ့ရတယ်လို့ သိရပါတယ်။
အသတ်ခံရသူ ဦးဇော်မျိုးဦးဆိုသူမှာ ကြံ့ခိုင်ရေးပါတီဝင်တစ်ဦးဖြစ်ပြီး ဦးသိန်စိန် လက်ထက်က အုပ်ချုပ်ရေးမှူးအဖြစ်တာဝန်ထမ်းဆောင်ခဲ့သူတစ်ဦးဖြစ်တယ်လို့ ဒေသခံတစ်ဦးက ပြောပါတယ်။
လောင်းလုံးမြို့နယ် ပြည်သူ့လုံခြုံရေးတပ်ပေါင်းစု (L.P.S.F) က သူတို့လက်ချက်ဖြစ်ကြောင်း ကြေညာချက်ထုတ်ပြန်ထားပါတယ်။
သူ့ရဲ့သတင်းပေးတိုင်ကြားမှုကြောင့် ရွာမှာအဖမ်းခံရသူတွေရှိသလို ထွက်ပြေးတိမ်းရှောင်နေရသူ တွေလည်း အများအပြားရှိတယ်လို့ ဆိုပါတယ်။
ဦးဇော်မျိုးဦးအသတ်ခံရပြီးနောက် ရဲတွေနဲ့စစ်သားတွေက သဘော့ဆိပ်ကျေးရွာကို လာရောက်စစ်ဆေးတာတွေ ပြုလုပ်နေတယ်လို့ ဒေသခံတွေက ပြောပါတယ်။