ပေါ်တူဂီအသင်းတိုက်စစ်မှူး ခရစ္စတီယာနို ရော်နယ်လ်ဒိုဟာ ကမ္ဘာ့ဖလားပြိုင်ပွဲအကြို ပြင်ဆင်မှု အဖြစ် ချီလီအသင်းနဲ့ ယှဉ်ပြိုင်ကစားမဲ့ ခြေစမ်းပွဲအတွက် အသင်းဖော်တွေနဲ့အတူ လေ့ကျင့်ရေး ကွင်းမှာ ပူးပေါင်း ပါဝင်ခဲ့ပါတယ်။
ခြေစမ်းပွဲနဲ့ ပတ်သက်လို့ ဇွန် ၅ ရက်က ပြုလုပ်တဲ့ သတင်းစာရှင်းလင်းပွဲမှာ ပေါ်တူဂီနည်းပြ ရောဘတ်တို မာတီနက်ဇ်က "အဓိကအာရုံစိုက်မှုက ချီလီအသင်းကို အနိုင်ယူဖို့တင် မဟုတ်ပါဘူး။ အဓိကရည်မှန်းချက်က အသင်းတသင်းအနေနဲ့ ပိုမိုတိုးတက်ကောင်းမွန်လာဖို့ဖြစ်ပြီး အဲဒီ နောက်ဆက်တွဲရလဒ်အနေနဲ့ နိုင်ပွဲရအောင် ကြိုးစားသွားမှာပါ”လို့ ပြောပါတယ်။
ပေါ်တူဂီအသင်းနဲ့ ချီလီအသင်းတို့ ဇွန် ၆ ရက်ဒီကနေ့ ခြေစမ်းပွဲ ကစားဖို့ စီစဉ်ထားပါတယ်။
အသက် ၄၁ နှစ်အရွယ် ရော်နယ်လ်ဒိုဟာ ၆ ကြိမ်မြောက် ကမ္ဘာ့ဖလားပြိုင်ပွဲကို ပါဝင်ဆင်နွှဲရမှာ ဖြစ်ပါတယ်။
ပေါ်တူဂီအသင်းဟာ အုပ်စု (K) မှာ ပါဝင်နေပြီး ဇွန် ၁၇ ရက်မှာ ကွန်ဂိုဒီမိုကရက်တစ် သမ္မတနိုင်ငံ DR Congo) အသင်းနဲ့ စတင်ယှဉ်ပြိုင်ရမှာ ဖြစ်ပါတယ်။
Photo:Reuters
