အင်္ဂလန်အသင်းရဲ့ တောင်ပံကစားသမား ဘူကာယို ဆာကာဟာ ဂါနာနဲ့ပွဲမှာ ပွဲထွက် ကစားသမား အဖြစ် ပါဝင်ဖို့ မသေချာဘူးလို့ နည်းပြ သောမတ်စ် တူချယ်က အရိပ်အမြွက် ပြောကြား လိုက်ပါတယ်။
ဆာကာမှာ တံကောကြော အရွတ်ဒဏ်ရာ ပြဿနာ ရှိနေတာကြောင့် နည်းပြက သူ့ရဲ့ ကြံ့ခိုင်မှုကို စီမံခန့်ခွဲဖို့ စီစဉ်နေတာပါ။
ဒီဆုံးဖြတ်ချက်ဟာ ကမ္ဘာ့ဖလားပြိုင်ပွဲရဲ့ နောက်ပိုင်းအဆင့်တွေအတွက် ဆာကာကို အကောင်းဆုံး အခြေအနေမှာ ထားရှိဖို့ ဖြစ်ပါတယ်။
ဆာကာဟာ ခရိုအေးရှားကို (၄-၂) ဂိုးနဲ့ အနိုင်ရခဲ့တဲ့ပွဲမှာ ၇၂ မိနစ်မှာ လူစားဝင်ကစားခဲ့ပြီး မားကပ်စ် ရက်ရှ်ဖို့ဒ်အတွက် အင်္ဂလန်ရဲ့ စတုတ္ထမြောက်ဂိုးကို ဖန်တီးပေးခဲ့ပါတယ်။
ကစားသမားကိုယ်တိုင်ကတော့ ကစားဖို့ အသင့်ရှိပြီး အသင်းအတွက် သူ့ရဲ့ ကြံ့ခိုင်မှုကို စွန့်စားဖို့ အသင့်ရှိကြောင်း ပြောဆိုပါတယ်။
ဒါပေမဲ့ နည်းပြတူချယ်ကတော့ အာဆင်နယ်တိုက်စစ်မှူး ဆာကာဟာ အုပ်စုနောက်ဆုံးပွဲဖြစ်တဲ့ ပနားမားနဲ့ပွဲကျမှသာ ပွဲထွက်ကစားနိုင်မှာပါလို့ ဆိုပါတယ်။
Photo:Reuters
