ပဲခူးတိုင်းအနောက်ခြမ်း၊ ပေါင်းတည်မြို့နယ်ထဲကို Stay at Home သတ်မှတ်ထားတဲ့ မြို့နယ်တွေက ဝင်ရောက်လာသူတွေအနေနဲ့ ကွာရန်တင်း ၁၀ ရက်ဝင်ရောက်ရမှာဖြစ်ပြီး ကိုဗစ်-၁၉ ရောဂါပိုးရှိသူတွေ ကိုယ့်စရိတ်နဲ့ကိုယ် ကုသရမယ်လို့ သိရပါတယ်။

ဒေသခံပရဟိတအဖွဲ့ဝင်တဦးက “Stay at Home သတ်မှတ်ထားတဲ့ မြို့နယ်တွေက ပြန်လာတဲ့သူတိုင်း ကွာရန်တင်း ၁၀ ရက်ဝင်ရမှာဖြစ်ပါတယ်။ စရိတ်ကို ကော်မတီက ကျခံပါ့မယ်။ ပေါ့စတစ်သမားတွေကတော့ ကိုယ့်စရိတ်နဲ့ကိုယ်ပါပဲ၊ ခိုးဝင်လာတယ်လို့ သတင်းရရင်တော့ အရေးယူခံရမယ်” လို့ ပြောပါတယ်။

ပေါင်းတည်မြို့နယ်အတွင်း ကိုဗစ်-၁၉ အတည်ပြုလူနာ ၃၈ ဦး၊ ဆေးရုံကဆင်းသူ ၁၄ ဦးရှိပြီး သံသယလူနာတွေကတော့ ထပ်တိုးနေဆဲဖြစ်တယ်လို့ ဒေသခံပရဟိတအဖွဲ့တွေဆီက သိရပါတယ်။

လက်ရှိ ကိုဗစ်လူနာတွေကို မြို့နယ်ဆေးရုံမှာ ကုသပေးနေပြီး ဆေးဝါးတွေနဲ့ ကိုဗစ်-၁၉ စစ်တဲ့ test kit လည်း မလုံလောက်တော့ဘူးလို့ ဆိုပါတယ်။