စစ်​ကိုင်းတိုင်း၊ မော်​လိုက်​မြို့မှာ ဇွန် ၂၂ ရက်​​ မနက်​ပိုင်းက ကိုဗစ်-၁၉ ​အတည်ပြုလူနာ ၆ ဦး ​တွေ့ရှိခဲ့ပါတယ်။

မော်လိုက် ပရဟိတလုပ်ကိုင်သူတစ်ဦးက “မော်လိုက်မြို့ ပြည်သူ့ဆေးရုံကြီးမှာ ကိုဗစ်ပိုး တွေ့ရှိတဲ့သူတွေနဲ့ ထိစပ်တဲ့ ၉ ဦးကို RDT Test Kits စစ်ဆေးတယ်၊ အဲဒီထဲက ၆ ဦး ကိုဗစ်ပိုး တွေ့ရှိတယ်။ အမျိုးသားက ၄ ဦး၊ အမျိုးသမီး ၂ ဦး ဖြစ်တယ်” လို့ ပြောပါတယ်။

မော်လိုက်မြို့မှာ ဇွန် ၂၀ ကနေ ၂၂ ရက်နေ့ထိ ကိုဗစ်-၁၉ ကူးစက်သူ ၁၉ ဦးထိရှိပြီး ကိုဗစ်ပိုးတွေ့ရှိတဲ့ အိမ်တွေကို ကန့်သတ်ထားကာ လက်ရှိအချိန်ထိ သေဆုံးသူ မရှိသေးဘူးလို့ သိရပါတယ်။