မကွေးတိုင်းဒေသကြီးအတွင်းမှာရှိတဲ့ အထက်တန်းနဲ့ အလယ်တန်းကျောင်းအုပ် ၂၂၂ ယောက်တို့ကို အကြမ်းဖက်စစ်အုပ်စုက ရာထူးမှ ထုတ်ပယ်လိုက်ပါတယ်။

အထက်တန်းနဲ့ အလယ်တန်းကျောင်းအုပ် ၂၂၂ ယောက်ဟာ နိုင်ငံဝန်ထမ်းဥပဒေ၊ အမိန့်၊ ညွှန်ကြားချက်တွေကို ချိုးဖောက်လို့ ရာထူးကနေ ထုတ်ပယ်လိုက်တယ်လို့ ပညာရေးဝန်ကြီးဌာန၊ နေပြည်တော်က ဇွန်လ ၄ ရက်နေ့မှာ အမိန့်ကြော်ငြာစာ ထုတ်ပြန်ခဲ့တာပါ။

ရာထူးထုတ်ပယ်ခံရတဲ့ ဝန်ထမ်းတွေအနေနဲ့ ကျေနပ်မှုမရှိပါက အမိန့်ကြော်ငြာစာ လက်ခံရရှိတဲ့နေ့ကစပြီး ၆ လအတွင်း နိုင်ငံဝန်ထမ်းဥပဒေတွေနဲ့အညီ အယူခံတင်သွင်းနိုင်ကြောင်းလည်း အမိန့်စာမှာ ဖော်ပြပါရှိပါတယ်။