မြင်းခြံမြို့တွင် စစ်သား ၁ ဦး ပစ်သတ်ခံရ
DVB
·
June 3, 2021
မန္တလေးတိုင်းဒေသကြီး၊ မြင်းခြံမြို့မှာ၊ ဇွန် ၃ ရက် ဒီနေ့မနက်ပိုင်းက အကြမ်းဖက်စစ်တပ်က စစ်သားတစ်ဦး သေနတ်နဲ့ ပစ်ခံရပြီး သေဆုံးသွားတယ်လို့ မြို့ခံတွေက ပြောပါတယ်။
မနက် ၉ နာရီကျော်က အမှတ် ၁ တိုးချဲ့မြို့သစ် ၁၇ လမ်းထိပ်မှာ စစ်သား ၂ ဦး အရပ်ဝတ်နဲ့ ရှိနေချိန် အမည်မသိ လူတစ်စုက သေနတ်နဲ့ ပစ်ခတ်ခဲ့တာကြောင့် စစ်သားတစ်ဦး နောက်ကျော သေနတ်ကျည်ဆန် ထိမှန်ခဲ့ပြီး သေဆုံးသွားတယ်လို့ ကနဦးသတင်းတွေအရ သိရပါတယ်။
မြင်းခြံမြို့နယ်၊ သဲဖြူဝရွာအုပ်စု၊ ကျောက်ကုန်းရွာမှာတော့ စစ်ကောင်စီက အရပ်သား ၆ ယောက်ကို အိမ်ထဲဝင်ရောက်ဖမ်းဆီးခေါ်ဆောင်သွားတယ်လို့ သိရပါတယ်။
ကျောက်ကုန်းရွာမှာ ဇွန် ၂ ရက် မနက် ၁ နာရီလောက်က စစ်တပ်က ရောက်လာပြီး ကိုရီးယားဘာသာသင်တန်း ဆရာအပါအဝင် ရွာသား ၆ ယောက်ကို ဖမ်းဆီးသွားတာဖြစ်ပြီး ဘာကြောင့် ဘယ်ကို ခေါ်သွားတယ်ဆိုတာတော့ မသိရပါဘူးလို့ ရွာခံတွေက ပြောပါတယ်။
