ရှမ်းပြည်နယ်မြောက်ပိုင်း၊ မိုးမိတ်မြို့မှာ မေ ၁၂ ရက်က CDM ပညာရေးဝန်ထမ်း ၈၁ ဦးကို တာဝန်ကနေ ယာယီရပ်ဆိုင်းလိုက်တယ်လို့ ပညာရေးဝန်​ကြီဌာနက စာထုတ်ပြန်လိုက် ပါတယ်။

CDM စဝင်ချိန်က ပညာရေးဝန်ထမ်း ၁၉၀ ကျော်ရှိခဲ့ပြီး မတ်လအတွင်း ၅၀ ကျော် N0n-CDM လုပ်ခဲ့တာကြောင့် ၁၄၂ ဦး ကျန်ခဲ့တယ်လို့ သိရပါတယ်။

ထပ်မံပြီး သက်ဆိုင်ရာက ခံဝန်ကတိထိုးခိုင်းကာ ၅၀၅ နဲ့ အမှုဖွင့်မယ်လို့ ခြိမ်းခြောက်တာ ကြောင့် ဧပြီလတုန်းက Non CDM လုပ်သွားသူ ၅၀ ကျော်ရှိတယ်လို့ ဆိုပါတယ်။

မိုးမိတ်မြို့မှာ CDM ပညာရေးဝန်ထမ်း ၃ ဦးကိုလည်း ဧပြီလက နေအိမ်မှာ လာရောက် ဖမ်းဆီးခဲ့ပြီး ပင်စင်ယူဖို့ နီးနေတဲ့ ပညာရေးဝန်ထမ်းတွေကတော့ CDM ဆက်လုပ်နိုင်ဖို့  အလုပ်ထွက်ထားကြတယ်လို့ သိရပါတယ်။