လတ်တလော ကိုဗစ်-၁၉ ရောဂါ ကူးစက်မှုတွေ မြင့်တက်နေတဲ့ ထိုင်းနိုင်ငံမှာ ရောဂါကူးစက် ခံရသူအရေအတွက်ဟာ မြန်မာနိုင်ငံထက် ကျော်လွန်လာခဲ့ပြီး အာဆီယံနိုင်ငံတွေထဲ ကူးစက်မှု အမြင့်ဆုံးအဆင့် ၄ ဖြစ်လာခဲ့ပါတယ်။

အာဆီယံနိုင်ငံတွေထဲမှာတော့ ကိုဗစ်-၁၉ သန်းချီကူးစက်မှု အမြင့်ဆုံးနိုင်ငံအဖြစ် အင်ဒိုနီးရှားနိုင်ငံက ရပ်တည်နေပြီး ရောဂါကူးစက်ခံရသူဦးရေ ၁ ဒသမ ၈ သန်းကျော်နဲ့ သေဆုံးသူ ၅ သောင်းကျော်၊ သူ့နောက်မှာတော့ ဖိလစ်ပိုင်နိုင်ငံက ရောဂါကူးစက်ခံရသူဦး ရေ ၁ ဒသမ ၂ သန်းကျော်နဲ့ သေဆုံးသူ ၂ သောင်းကျော်နဲ့ အသီးသီးရပ်တည်နေပါတယ်။

အဲဒီနောက်မှာတော့ မလေးရှားနိုင်ငံက ရောဂါကူးစက်ခံရသူဦးရေ ၅ သိန်း ၄ သောင်းကျော်နဲ့ သေဆုံးသူ ၂,၅၀၀ ကျော်နဲ့ ရှိနေတာပါ။

အဲဒီနောက်မှာတော့ ထိုင်းက မြန်မာနိုင်ငံကို ကျော်လွန်ပြီး ကူးစက်ခံရသူ ၁၄၄,၉၇၆ ယောက်ရှိလာခဲ့ပြီဖြစ်တာမို့ အာဆီယံနိုင်ငံတွေထဲ ကူးစက်မှုအမြင့်ဆုံးအဆင့် ၄ နေရာမှာ ရပ်တည်နေခဲ့ပြီ ဖြစ်ပါတယ်။

မြန်မာနိုင်ငံကတော့ ရောဂါကူးစက်ခံရသူဦးရေ ၁၄၃,၄၁၄ ယောက်၊ သေဆုံးသူ ၃,၂၁၆ ယောက်နဲ့ ရှိနေတာပါ။

       ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၁ ထောင်ကျော်၊ စုစုပေါင်း သေဆုံးသူ ၄,၆၃၆ ယောက် ရှိနေ တာ ဖြစ်ပါတယ်။

စင်ကာပူနိုင်ငံမှာတော့ ရောဂါကူးစက်ခံရသူဦးရေ ၆ သောင်း ၁ ထောင်ကျော်နဲ့ သေဆုံးသူ ၃၁ ယောက်ရှိနေတာပါ။ ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၂ သောင်း ၈ ထောင်ကျော်နဲ့ သေဆုံးသူ ၁၉၆ ယောက်ရှိလာခဲ့ပြီ ဖြစ်ပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၆,၃၀၀ ကျော်နဲ့ သေဆုံးသူအရေအတွက် ၄၇ ယောက် ရှိနေပြီး ဘရူနိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂၄၁ ယောက်နဲ့ သေဆုံးသူ ၃ ယောက် ရှိနေတာပါ။

လာအိုနိုင်ငံမှာတော့ ရောဂါ ကူးစက်ခံရသူအရေအတွက် ၁,၉၀၅ ယောက်နဲ့ သေ ဆုံးသူ ၃ ယောက် ရှိလာခဲ့ပြီ ဖြစ်ပါတယ်။

တကမ္ဘာလုံးအတိုင်းအတာနဲ့ ရောဂါကူးစက်ခံရသူ ၁၆၉ ဒသမ ၇ သန်းကျော်၊ သေ ဆုံးသူ ၃ သန်းခွဲကျော်နဲ့ ရောဂါပြန်လည်ပျောက်ကင်းလာသူအရေအတွက်ကတော့ ၁၅၁ ဒသမ ၄ သန်းကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၃၄ သန်းနီးပါး၊ သေဆုံးသူ ၆ သိန်းကျော်ရှိနေပြီး သူ့နောက်မှာတော့ အိန္ဒိယနိုင်ငံက ကူး စက်ခံရသူ ၂၇ သန်းခွဲကျော်၊ သေဆုံးသူ ၃ သိန်းကျော်နဲ့ ရှိနေတာ ဖြစ်ပါတယ်။