မွန်ပြည်နယ်၊ ဘီးလင်းမြို့နယ်က အာဏာဖီဆန်ရေး CDM လုပ်တဲ့ အခြေခံပညာကျောင်း ဆရာ၊ ဆရာမ ၅၀၄ ဦးကို ရာထူးက ထုတ်ပယ်လိုက်ပါတယ်။

အကြမ်းဖက်စစ်ကောင်စီဟာ CDM လုပ်တဲ့ ဆရာ၊ ဆရာမတွေကို အကြောင်းပြချက်မရှိဘဲ တာဝန်ပျက်ကွက်တာ၊ ခွင့်စည်းကမ်းဖောက်ဖျက်တယ်ဆိုတဲ့ စွပ်စွဲချက်တွေနဲ့ မေ ၂၄ ရက်မှာ ရာထူးကထုတ်ပယ်ခဲ့တာပါ။

ရာထူးကထုတ်ပယ်ခံရတဲ့ ဆရာ၊ ဆရာမတွေထဲမှာ အထက်တန်းပြ၊ အလယ်တန်း ကျောင်းအုပ်ကြီးအဆင့်တွေအပြင် မူလတန်းပြနဲ့လုပ်သားအဆင့် ဝန်ထမ်းတွေပါ ပါဝင်ပါတယ်။

အကြမ်းဖက်စစ်ကောင်စီဟာ ‌ မွန်ပြည်နယ်အတွင်းက CDM ဆရာ၊ ဆရာမ‌ ၃၃၀၀ ကျော်ကိုလည်း တာဝန်ကနေ ယာယီရပ်ဆိုင်းထားပါတယ်။