ကျောင်းမတက်၊ ကျောင်းမအပ်ကြရန် မော်လမြိုင်လူငယ်များ ဆန္ဒထုတ်ဖော်
DVB
·
May 24, 2021
ကျောင်းမတက်၊ ကျောင်းမအပ်ကြဖို့ မော်လမြိုင်က လူငယ်တွေ စုပေါင်းပြီး ဒီကနေ့ မေလ ၂၄ ရက်နေ့မှာ ဆန္ဒထုတ်ဖော်ခဲ့ပါတယ်။
ဒီကနေ့ဟာ အာဏာသိမ်းစစ်ကောင်စီက အခြေခံပညာကျောင်းတွေမှာ ကျောင်းစတင် အပ်နှံတဲ့ ပထမဦးဆုံးနေ့လည်း ဖြစ်ပါတယ်။
ဆန္ဒထုတ်ဖော်ခဲ့တဲ့ လူငယ်တွေကတော့ အာဏာသိမ်းစစ်ကောင်စီရဲ့ ပညာရေးဟာ ကျွန်ပညာရေးသာ ဖြစ်တယ်လို့ ဆိုကြပါတယ်။
မော်လမြိုင်က လူငယ်တွေဟာ အာဏာသိမ်းစစ်ကောင်စီကို သပိတ်မျိုးစုံပြုလုပ်ပြီး နေ့စဉ် ရက်ဆက် ဆန္ဒထုတ်ဖော်နေကြပါတယ်။
