ဧရာဝတီတိုင်း၊ မအူပင်မြို့မှာ မေလ ၂၃ ရက်နေ့ ညပိုင်းက အထက ၁ ကျောင်းဝန်းအတွင်းနဲ့ စည်ပင်ရုံးရှေ့မှာ ဗုံးပေါက်ကွဲခဲ့တယ်လို့ သိရပါတယ်။

ည ၇ နာရီကျော်လောက်မှာ အထက ၁ ကျောင်းဝန်းအတွင်း ပေါက်ကွဲသံကြားခဲ့ရပြီး ၇ နာရီခွဲကျော်လောက်မှာ စည်ပင်ရုံးရှေ့ ထပ်ပေါက်ကွဲခဲ့တာလို့ ဒေသခံတဦးက DVB ကို ပြောပါတယ်။

ပေါက်ကွဲမှုဖြစ်ပွားခဲ့တဲ့နေရာတွေကို အာဏာသိမ်းစစ်ကောင်စီရဲ့ လက်နက်ကိုင်တပ်တွေ ရောက်ရှိစစ်ဆေးနေပြီး မြို့ပေါ်လုံခြုံရေးလည်း တင်းကြပ်ထားတယ်လို့ ဆိုပါတယ်။

မအူပင်မြို့မှာ မေလ ၂၃ ရက်နေ့ညပိုင်း ပေါက်ကွဲမှုဖြစ်စဥ်ဟာ ပထမဆုံးအကြိမ်ဖြစ်တယ်လို့ သိရပါတယ်။