စမ်းချောင်း ဗုံးပေါက်ကွဲမှုကြောင့် စစ်သား ၁ ဦးသေဆုံး
DVB
·
May 21, 2021
ရန်ကုန်တိုင်း၊ စမ်းချောင်းမြို့နယ် ဗားကရာလမ်းမှာ ဒီနေ့ မေလ ၂၁ ရက်နေ့လည် ၁ နာရီကျော်က ဗုံးပေါက်ကွဲမှုဖြစ်ပြီး စစ်ကောင်စီတပ်ဖွဲ့ဝင် စစ်သားတစ်ဦး သေဆုံးတယ်လို့ ဒေသခံတွေက ပြောပါတယ်။
စမ်းချောင်းမြို့နယ် အထွေထွေအုပ်ချုပ်ရေးမှူရုံးအနီးမှာ ဗုံးပေါက်ကွဲတာဖြစ်ပြီး နေ့လယ် ၁ နာရီ ၁၄ မိနစ်လောက်က ၁ ကြိမ်နဲ့ နေ့လယ် ၁ နာရီခွဲလောက်မှာ ၁ ကြိမ် ဗုံးပေါက်ကွဲခဲ့တယ်လို့ ဆိုပါတယ်။
အခင်းဖြစ်ပွားရာမှာ စစ်သားတစ်ဦးသေဆုံးတယ်လို့ ကနဦးသိရပြီး အခုထိ ဗားကရာလမ်းမကြီးမှာ စစ်တပ်က ပိတ်ဆို့ ရှာဖွေနေပါတယ်။
နေ့လယ် ၂ နာရီ ၁၇ မိနစ်ကလည်း ဗားကရာလမ်းမှာပဲ ထပ်မံဗုံးပေါက်ကွဲခဲ့ပါတယ်။
