၂၀၂၆ ဖီဖာကမ္ဘာ့ဖလား အုပ်စု (K)ပွဲစဉ်အဖြစ် ပေါ်တူဂီနဲ့ ဥဇဘက်ကစ္စတန်တို့ အမေရိကန်ပြည်ထောင်စု၊ တက္ကဆက်ပြည်နယ်၊ ဟူစတန်ကွင်းမှာ ဒေသအချိန် ဇွန် ၂၃ ရက်က ယှဉ်ပြိုင်ကစားခဲ့ရာမှာ ပေါ်တူဂီအသင်းက ခရစ်စတီယာနို ရော်နယ်ဒိုရဲ့ သွင်းဂိုး ၂ ဂိုး အပါအဝင် (၅-၀) ဂိုးနဲ့ အနိုင်ရသွားပါတယ်။
ပေါ်တူဂီအတွက် အနိုင်ဂိုးတွေကိုတော့ စီရော်နယ်ဒိုက ပွဲချိန် ၆ မိနစ်နဲ့ ၃၉ မိနစ်တို့မှာ ၂ ဂိုး၊ နူနိုမန်ဒက်စ်က ၁၇ မိနစ်မှာ ၁ ဂိုး၊ ပွဲကစားချိန် မိနစ် ၆၀ မှာ ဥဇဘက်ကစ္စတန်ကစားသမား အေ နီမာတော့ဗ်က ကိုယ့်ဂိုးကိုယ် သွင်းမိခဲ့လို့ ၁ ဂိုးနဲ့ ရာဖေးလ် လီယောင်းက ၈၇ မိနစ်မှာ တဂိုးသွင်းပေးခဲ့တာဖြစ်ပါတယ်။
ဒီနေ့ပွဲမှာ အသက် ၄၁ နှစ်အရွယ်ရှိပြီတဲ့ ပေါ်တူဂီအသင်းခေါင်းဆောင် ရော်နယ်ဒိုက ပွဲစပြီး ၆ မိနစ်တွင်တင် အဖွင့်ဂိုးကို သွင်းယူပေးခဲ့ကာ ကမ္ဘာ့ဖလားပြိုင်ပွဲ သမိုင်းတလျှောက် ကမ္ဘာ့ဖလား ၆ ကြိမ်ဆက်ဂိုးသွင်းယူနိုင်တဲ့ ပထမဆုံး ကစားသမားအဖြစ် သမိုင်းသစ်စိုက်ထူနိုင်ခဲ့ပါတယ်။
ပေါ်တူဂီအသင်းဟာ အုပ်စု (K) မှာ တပွဲ သရေ၊ တပွဲနိုင် ရမှတ် ၄ မှတ်နဲ့ အုပ်စုထိပ်ဆုံးမှာ ရပ်တည်နေပြီး နောက်တဆင့် ၃၂ သင်းရှုံးထွက်အဆင့်ကို တက်ရောက်ဖို့ အခြေအနေကောင်းနေပါတယ်။
