ကြံ့ခိုင်ရေးပါတီ မန္တလေးတိုင်းရုံး ဗုံးဖောက်ခံရ
DVB
·
April 29, 2021
မန္တလေးမြို့ ချမ်းအေးသာစံမြို့နယ် ၇၃ လမ်း ၂၇ လမ်းရှိ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ(မန္တလေးတိုင်းဒေသကြီးရုံး)ကို ဧပြီ ၂၈ ရက် ညပိုင်းက လက်လုပ်ဗုံးနဲ့ပစ်ဖောက်ခံလိုက်ရတယ်လို့ သိရပါတယ်။
ဗုံးပေါက်ကွဲသံကို ပတ်ဝန်းကျင်က ကြားလိုက်ရပြီး ထိခိုက်ဒဏ်ရာရသူ မရှိဘူးလို့ အနီးအနား ရပ်ကွက်နေပြည်သူတွေက ပြောပါတယ်။
မနက်ပိုင်းမှာတော့ လုံခြုံရေးယူထားတာတွေ မတွေ့ရဘဲ ပုံမှန်အခြေအနေရှိနေပြီး CCTV မှတ်တမ်းအရ ဆိုင်ကယ်တစ်စီးနဲ့ လူ ၃ ဦးက လာပစ်သွားတာလို့ သိရပါတယ်။ဧပြီ ၂၈ ရက်ကလည်း စစ်ကောင်စီက ခန့်ထားတဲ့ မန္တလေး ဒုမြို့တော်ဝန်အိမ်မှာလည်း ဗုံးပေါက်ကွဲမှု ဖြစ်ခဲ့တဲ့အပြင် ၃၈ လမ်း ၇၃ လမ်းမှာပါ ပေါက်ကွဲမှုဖြစ်ခဲ့လို့ အာဏာသိမ်း စစ်ကောင်စီရဲ့ အကြမ်းဖက်လက်နက်ကိုင်တချို့ ဒဏ်ရာရသူ ရှိတယ်လို့ သိရပါတယ်။
