Homeမြန်မာသတင်း
မိုးကုတ်တွင် ရဲနှင့် စစ်သား အင်အားသုံးဖြိုခွဲပေမယ့် ပြည်သူများက ပြောက်ကျားစနစ်ဖြင့် ဆန္ဒပြ
မိုးကုတ်တွင် ရဲနှင့် စစ်သား အင်အားသုံးဖြိုခွဲပေမယ့် ပြည်သူများက ပြောက်ကျားစနစ်ဖြင့် ဆန္ဒပြ
DVB
·
March 16, 2021
မန္တလေးတိုင်းဒေသကြီးမိုးကုတ်မြို့နယ်မှာ မတ်လ ၁၅ ရက်နေ့က ရဲနဲစစ်သားက အင်အားသုံးဖြိုခွဲပေမယ့် ပြည်သူများက ပြောက်ကျားစနစ်နဲ့ ရပ်ကွက်အလိုက်လူစုပြီး စစ်အာဏာရှင်စနစ် ကိုအောင်မြင်စွာဆန့်ကျင်ဆန္ဒပြခဲ့ကြပါတယ်။
ရပ်ကွက်လမ်းတွေမှာ ပြည်သူတွေဟာ လမ်းပိတ်ထားပြီး ရဲနဲ့စစ်သားတွေက ပိတ်ထားတဲ့ ပစ္စည်းတွေကိုဖယ်ကာသယ်ဆောင်သွားပြီး ရပ်ကွက်တွေထဲကိုဝင်ကာ မျက်ရည်ယိုဗုံးပစ်ပြီး သေနတ်တွေပစ်ဖောက်မှုတွေကို ပြုလုပ်ကြပါတယ်။
ပြည်သူတွေဟာ နေ့ခင်းမှာ ရဲနဲ့စစ်သားကိုရှောင်ပြီး ငြိမ်းချမ်းစွာ ပြောက်ကျားသပိတ်တွေလုပ်ပြီး ညဘက်မှာသံပုံးတီးပြီး ညသပိတ် ကိုပြုလုပ်ကြပေမယ့် ရဲနဲ့စစ်သားက အင်အားအလုံးအရင်းနဲ့ ရပ်ကွက်တွေထဲကို ဝင်ရောက်ဖြိုခွဲကြပါတယ်။
