မြန်မာနိုင်ငံ မြို့ကြီးတွေက ဖွင့်လို့ရတဲ့ ပုဂ္ဂလိကဘဏ်တွေ ပြန်ဖွင့်ဖို့ နိုင်ငံတော်ဗဟိုဘဏ်က အကြောင်းကြားထားပြီး မဖွင့်ရင် အရေးယူမယ်လို့ ဖိအားပေး စာထုတ်ထားပေမဲ့ ရန်ကုန်နဲ့ မန္တလေး အပါအဝင် မြို့တွေအတော်များများမှာ ဘဏ်တွေ မဖွင့်ကြဘူးလို့ ဒေသခံတွေက ပြောပါတယ်။

နေပြည်တော်နဲ့ ကလေးမြို့တို့မှာလည်း ပုဂ္ဂလိကဘဏ်တွေ ဒီနေ့ ပိတ်ထားတုန်းဖြစ်ပါတယ်။

လက်ရှိမှာတော့ MPU (Myanmar Payment Union) စနစ် အသုံးပြုလို့မရနိုင်ကြောင့် ငွေထုတ်ကတ်တွေအနေနဲ့ တခြားဘဏ်က ငွေထုတ်စက်တွေမှာ ထုတ်လို့မရဘဲ သက်ဆိုင်ရာဘဏ်ရဲ့ ငွေထုတ်စက်တွေမှာပဲ ထုတ်လို့ရနေတယ်လို့ ဘဏ်ဝန်ထမ်းတယောက်က ပြောပါတယ်။

မနေ့ညက စစ်တပ်နဲ့ ရဲတပ်ဖွဲ့ရဲ့ ပစ်ခတ်မှုတွေရှိခဲ့တဲ့ ပုသိမ်မြို့မှာလည်း  ပုဂ္ဂလိကဘဏ်တွေ ပိတ်ထားတယ်လို့ မြို့ခံ သတင်းထောက်က ပြောပါတယ်။