မတ္တရာမြို့နယ် NLD ပါတီ ဘဏ္ဍာရေးမှူး ဦးကိုကိုလွင်ကို မတ် ၆ ရက်နေ့ ည ၇ နာရီက အရပ်ဝတ်​တွေနဲ့ လာ​ရောက်ပြီး ဖမ်းဆီးခေါ်ဆောင်သွားတယ်လို့ မတ္တရာမြို့ခံ​တွေဆီက သိရပါတယ်။

မတ္တရာမြို့မှာ​တော့ ဦးကိုကိုလွင်နဲ့အတူ CDM လုပ်​ဆောင်​နေတဲ့ ဒေါက်တာရဲမြတ်၊ ဒုပညာရေးမှူး ဦးကျော်ဝင်းလတ်တို့ကို ၅၀၅(က)နဲ့ ဖမ်းဝရမ်းထုတ်တယ်လို့လည်း သိရပါတယ်။

ဖမ်းဆီး​ခေါ်​ဆောင်သွားတဲ့ ဦးကိုကိုလွင်ကို ပြန်လွှတ်​ပေး​ရေး ညတွင်းချင်းမှာပဲ မတ္တရာမြို့ အ​ထွေ​ထွေအုပ်ချုပ်​ရေးရုံးရှေ့မှာ မတ္တရာမြို့ခံ​တွေက ​တောင်းဆို​ခဲ့ကြတယ်လို့လည်း သိရပါတယ်။

ပြန်လွှတ်​ပေးဖို့ ​တောင်းဆို​နေတဲ့လူစုကို ည ၈ နာရီ ၄၅ မိနစ်ခန့်မှာ ရဲတပ်ဖွဲ့က မျက်ရည်ယိုဗုံးနဲ့ ​သေနတ်ပစ်ခတ်ကာ ဖြိုခွင်းခဲ့တယ်လို့ သိရပါတယ်။

ရာဘာကျည်နဲ့ ပစ်ခတ်မှု​ကြောင့် လူ ၂ ဦး ထိမှန်ခဲ့တယ်လို့လည်း သိရပါတယ်။