ရွှေဘိုမြို့ လမ်းမတော်တစ်လျှောက် ဆန္ဒထုတ်ဖော်မယ့်နေရာတွေမှာ ရဲနဲ့တပ်အင်အား အလုံးအရင်းထားရှိတာကြောင့် G Z လူငယ်တွေဟာ လမ်းကြားထိပ်တွေမှာ လူစုခွဲပြီး လူနည်းစု ပြောက်ကျားနည်းနဲ့ ဆန္ဒထုတ်ဖော်ခဲ့ကြပါတယ်။
ဆန္ဒထုတ်ဖော်နေတဲ့ နေရာကိုလည်း လုံခြုံရေတပ်ဖွဲ့ဝင်တွေ မဝင်နိုင်အောင် ရပ်ကွက်နေပြည်သူတွေက လမ်းပိတ်ထားတယ်လို့ ဆန္ဒပြ ပြည်သူတွေကပြောပါတယ်။
ရွှေဘိုမှာ ဆန္ဒပြ ဖမ်းဆီးခံရသူ ၁၃ ဦးရှိပြီး မတ်လ ၁ ရက်နေ့က ၃ ဦးက အာမခံရရှိပြီး မတ် ၂ ရက်နေ့ ဖမ်းဆီးခံရတဲ့ ၈ ဦးကတော့ ပုဒ်မ ၁၄၅၊ပုဒ်မ ၅၀၅(က) တရားစွဲခံထားရပြိး ချုပ်ရက်ရမန်ယူထားတယ်လို့ ရှေ့နေတဦးက ပြောပါတယ်။
ဆန္ဒပြပြည်သူတွေ ဖမ်းဆီးခံရပါက အကူအညီတောင်းနိုင်ဖို့ ရွှေဘိုတရားလွှတ်တော် ရှေ့နေများနဲ့ အထက်တန်းရှေ့နေများအဖွဲ့က ဆက်သွယ်ရမဲ့ ဖုန်းနံပါတ်တွေ၊ FB စာမျက်နှာတွေနဲ့ လက်ကမ်းကြော်ငြာတွေ ပေးဝေထားတယ်လို့ ဆိုပါတယ်။
မတ်လ ၃ ရက် မနက်ပိုင်းကလည်း ကျောင်းသားရဲဘော် ကိုဟန်သူကို အိမ်စီးကား အရပ်ဝတ်တွေနဲ့ လာရောက်ဖမ်းဆီးသွားတယ်လို့ ရွှေဘိုတက္ကသိုလ် ကျောင်းသားသမဂ္ဂအဖွဲ့ဝင်တစ်ဦးဖြစ်သူက ပြောကြားပါတယ်။
ဒါ့အပြင် ရွှေဘိုမြို့မစျေး ထိပ်လမ်းကြားမှာ ရပ်ထားတဲ့ ဆိုင်ကယ် ၇ စီးကိုလည်း စစ်တပ်နဲ့ရဲတပ်ဖွဲ့ဝင်တွေက သိမ်းဆည်းသွားတယ်လို့ မျက်မြင်တွေ့ရှိသူက ပြောပါတယ်။
