ထိုင်း-မြန်မာနယ်စပ်က မြန်မာစစ်ပြေးဒုက္ခသည် စခန်းတစ်ခုဖြစ်တဲ့ မဲ့လဒုက္ခသည်စခန်းမှာ ဖေဖေါ်ဝါရီ ၉ ရက် ည ၉ နာရီခွဲလာက်က မီးလောင်မှုဖြစ်ပွားပြီး ဒုက္ခသည်နေအိမ် အလုံး ၅၀ လောက် ဆုံးရှုံးပျက်စီးသွားပါတယ်။
ဒုက္ခသည်စခန်းရှိ ရပ်ကွက် ( ဇုန်C)မှ မီးစတင် မီးလောင်ခဲ့တာဖြစ်ပြီး မီးလောင်မှုကို တာဆောင်ရမ်း မီးသတ်တပ်ဖွဲ့နဲ့ မယ်လမတ်မီးသတ်တပ်ဖွဲ့တွေရဲ့ ကူညီမှုကြောင့် တစ်နာရီလောက်အကြာမှာ မီးငြှိမ်းနိုင်ခဲ့ပါတယ်။
နေအိမ်တွေမီးလောင်ဆုံးရှုံးသွားတဲ့ ဒုက္ခသည်တွေကို မြန်မာ-ထိုင်းနယ်စပ် အခြေစိုက် NGO နဲ့ အရပ်ဖက်အဖွဲ့အစည်းတွေက လိုအပ်တဲ့ ပစ္စည်းတွေ ထောက်ပံ့ ပေးအပ်လှူဒါန်းသွားဖို့ ရှိပါတယ်။
မဲ့လ ဒုက္ခသည်စခန်းမှာ ပြည်တွင်းစစ်ကြောင်း မြန်မာပြည်က တိမ်းရှောင်လာတဲ့ စစ်ပြေးဒုက္ခသည် ၄၀၀၀၀ လောက်နေထိုင်တဲ့ စခန်းဖြစ်ပြီး နယ်စပ်မှာရှိတဲ့ ဒုက္ခသည်စခန်းတွေအထဲမှာ အကြီးဆုံးစခန်းဖြစ်ပါတယ်။
