ဖီဖာရဲ့ ကမ္ဘာလုံးဆိုင်ရာ ဘောလုံးဖွံ့ဖြိုးတိုးတက်ရေး အကြီးအကဲ အာဆင်ဝင်းဂါးက ၂၀၂၆ ကမ္ဘာ့ဖလားမှာ မိတ်ဆက်ခဲ့တဲ့ ရေဓာတ်ဖြည့်နားချိန်တွေကို ပရိသတ်တွေ မကြိုက်ကြတာကို ဝန်ခံလိုက်ပါတယ်။
ဖီဖာက ကစားသမားတွေရဲ့ ကျန်းမာရေးအတွက် ရေသောက်ဖို့ မဖြစ်မနေ ၃ မိနစ် နားချိန်တွေ ထည့်သွင်းခဲ့တာ ဖြစ်ပါတယ်။
ဒါပေမဲ့ ဝေဖန်သူတွေကတော့ ရုပ်သံလိုင်းတွေ ကြော်ငြာဝင်ငွေရှာဖို့ အသုံးပြုတာလို့ ထောက်ပြကြပါတယ်။ ဒီကိစ္စကို ပြိုင်ပွဲပြီးရင် ဖီဖာက ပြန်လည်သုံးသပ်သွားမယ်လို့လည်း သိရပါတယ်။
အာဆင်ဝင်းဂါးကတော့ တချို့ပွဲတွေမှာ အမိုးအကာပါတဲ့ ကွင်းတွေမှာတောင် ပရိသတ်တွေ မပျော်ရွှင်ကြတာကို တွေ့ရတယ်လို့ ဆိုပါတယ်။ ဒီနားချိန်တွေက ပွဲရလဒ်ကို ပြောင်းလဲစေတာမျိုးတော့ မရှိဘူးလို့ သူက ပြောပါတယ်။
ဒါပေမဲ့ ဘောလုံးကြည့်ရှုသူ ပရိသတ်တွေအတွက် အကောင်းဆုံးဖြစ်အောင် ဆောင်ရွက်သွားမယ်လို့ ဝင်းဂါးက ပြောပါတယ်။
ပွဲတွေကြာလာတာနဲ့အမျှ ပရိသတ်တွေက ဒီနားချိန်တွေကို လှောင်ပြောင်ခဲ့ကြတာလည်း ရှိပါတယ်။ နည်းပြတွေကတော့ ဒီနားချိန်တွေကို နည်းဗျူဟာပြောင်းလဲဖို့ အသုံးပြုခဲ့ကြတာ ဖြစ်ပါတယ်။
