ကချင်ပြည်နယ်အတွင်းက မြို့နယ်တွေမှာ ဒီဇင်ဘာ ၂၀ ရက်နေ့အထိ ကိုဗစ်ရောဂါဖြစ်ပွားသူ စုစုပေါင်း  ၅၀၂ ယောက်ရှိပြီလို့ ပြည်နယ်ပြည်သူ့ကျန်းမာရေးဦးစီးဌာနက သိရပါတယ်။

ကချင်တစ်ပြည်နယ်လုံးမှာ ဖားကန့်နဲ့ မြစ်ကြီးနားမြို့မှာ ကိုဗစ်ရောဂါဖြစ်ပွားသူ အများဆုံးတွေ့ရှိထားပြီး သက်သာပျောက်ကင်းတဲ့သူ ၃၇၅ ယောက်ရှိပြီလို့ သိရပါတယ်။

ဒီဇင်ဘာ ၂၀ ရက်နေ့အထိ ကိုဗစ်ရောဂါဖြစ်ပွားသူ မြစ်ကြီးနားမြို့မှာ ၅၆ ယောက်၊ ဝိုင်းမော် ၇ ယောက်၊ ပူတာအိုနဲ့ တနိုင်းမြို့ ၁ ယောက်စီ၊ မိုးကောင်း ၉ ယောက်၊ မိုးမောက်မြို့ ၇ ယောက်နဲ့ ဖားကန့်မြို့ ၃၃၆ ယောက်၊ ရွှေကူမြို့ ၄၄ ယောက်၊ မိုးညှင်းမြို့ ၄၁ ယောက် စုစုပေါင်း ၅၀၂ ယောက် ရှိပြီလို့ ပြည်နယ်ကျန်းမာရေးက ထုတ်ပြန်ထားပါတယ်။

ကချင်ပြည်နယ်မှာ အချုပ်သားတွေ၊ ယာဥ်ထိန်းရဲတွေ၊ ယာဥ်မောင်းနဲ့ယာဥ်နောက်လိုက်တွေနဲ့ ခရီးသွားလာထားသူတွေမှာ ကိုဗစ်ရောဂါပိုး အများဆုံး တွေ့ရှိထားပါတယ်။

​ရောဂါရှိသူတွေ သွားပြခဲ့တဲ့ ဆေးခန်းတွေအပြင် ဟိုတယ်တွေ၊ တည်းခိုခန်းတွေ၊ စျေးတွေနဲ့ နေအိမ်တွေကိုလည်း  အသွားအလာကန့်သတ်တာတွေ ပြုလုပ်နေပါတယ်။

သတင်း - မီးမီး