SoFi Stadium ကွင်းဝန်ထမ်းတွေဟာ အမေရိကန် အမျိုးသားအသင်းရဲ့ ၂၀၂၆ ကမ္ဘာ့ဖလားပွဲစဉ်မတိုင်ခင် 'ICE Out' တံဆိပ်တွေ ဝတ်ဆင်ခဲ့ပါတယ်။ 

သူတို့ဟာ ကမ္ဘာ့ဖလားပွဲစဉ်တွေမှာ လူဝင်မှုကြီးကြပ်ရေးအေးဂျင့်တွေ ရှိနေတာကို ကန့်ကွက်တာပါ။

ဝန်ထမ်းတွေနဲ့ သူတို့ရဲ့ ရပ်ရွာလူထုတွေ ကြောက်ရွံ့မှုနဲ့ နေထိုင်နေရတဲ့အချိန်မှာ နွေးထွေးကြိုဆိုတဲ့ ရပ်ဝန်းတခု ဖန်တီးဖို့ ခက်ခဲတယ်လို့ ဆိုပါတယ်။ 

Unite Here Local 11 သမဂ္ဂရဲ့ တွဲဖက်ဥက္ကဋ္ဌ ကာ့တ်ပီတာဆင်ကတော့ အလုပ်သမားတွေဟာ သူတို့ ယုံကြည်တဲ့ မက်ဆေ့ချ်ပါတဲ့ တံဆိပ်ကို ဝတ်ဆင်ခွင့်ရှိတယ်လို့ ပြောပါတယ်။ 

‘FIFA ကနေ ICE ထွက်ပါ’ ဆိုတဲ့ မက်ဆေ့ချ်ပါ တံဆိပ်တွေကို သမဂ္ဂရဲ့ စုပေါင်းညှိနှိင်းမှု သဘောတူညီချက်အောက်မှာ ဝတ်ဆင်ခွင့်ရထားတာ ဖြစ်ပါတယ်။

ကွင်းနဲ့ သဘောတူညီချက်အသစ်အရ အလုပ်ခွင်မှာ လူဝင်မှုကြီးကြပ်ရေး စီးနင်းမှုဖြစ်ခဲ့ရင် သပိတ်မှောက်ခွင့်ကို ထိန်းသိမ်းထားတာ ဖြစ်ပါတယ်။ 

ဒီအခွင့်အရေးကို ဘယ်တော့မှ အသုံးမပြုရဖို့ မျှော်လင့်တယ်လို ပီတာဆင်က ပြောသွားပါတယ်။