ကရင်ပြည်နယ်မှာ ဒီဇင်ဘာ ၁၃ ရက်နေ့က ကိုဗစ်-၁၉ အတည်ပြုလူနာသစ် ၁၈ ဦး ထပ်မံတွေ့ရှိပြီး အတည်ပြုလူနာ စုစုပေါင်း ၁၁၂၀ ရှိလာပြီလို့ ပြည်နယ်ကျန်းမာရေးဦးစီးဌာနက ထုတ်ပြန်ပါတယ်။ 

လူနာသစ် ၁၈ ဦးကတော့ ဘားအံ ၆ ဦး၊ မြဝတီက ၁၂ ဦး ဖြစ်ပါတယ်။ ပိုးတွေ့လူနာတွေထဲက မြဝတီ အိုးအိမ် ကိုဗစ်စင်တာမှာ တက်ရောက်ကုသနေတဲ့  ၂ ဦးက ကော့ကရိတ်မြို့နယ်က ဖြစ်တယ်လို့ ဆိုပါတယ်။ 

ကရင်ပြည်နယ်မှာ ဒီဇင်ဘာ ၁၃ ရက်အထိ ဆေးရုံတွေမှာ ကုသမှု ခံယူနေသူ ၂၄၇ ဦး၊ ဆေးရုံဆင်းခွင့်ရသူ ၈၆၁ ဦးနဲ့ သေဆုံးသူ ၁၂ ဦးရှိပြီလို့ သိရပါတယ်။ 

အတည်ပြုလူနာ ၁၁၂၀ ထဲမှာ ဘားအံက ၄၅၆ ဦး၊ မြဝတီ အယောက် ၂၆၀၊ ကော့ကရိတ် အယောက် ၂၃၀၊ လှိုင်းဘွဲ ၇၀၊ ကြာအင်းဆိပ်ကြီး ၇ ဦး၊ သံတောင်ကြီး ၆ ဦးနဲ့ ဖာပွန်က ၂ ဦး၊ အခြားတိုင်းနဲ့ပြည်နယ် လိပ်စာနဲ့က ၈၉ ဦး ပါဝင်တယ်လို့ ထုတ်ပြန်ထားပါတယ်။