ပေါ်တူဂီအသင်းခေါင်းဆောင် အသက် ၄၁ နှစ်အရွယ် စီရော်နယ်ဒိုဟာ နိုင်ဂျီးရီးယားနဲ့ ကမ္ဘာ့ဖလားအကြို နောက်ဆုံးခြေစမ်းပွဲမှာ ဂိုးသွင်းခွင့် အများအပြား လွဲချော်ခဲ့လို့ ဝေဖန်မှုတွေနဲ့ ရင်ဆိုင်နေရပါတယ်။

ဒီပွဲမှာ ပေါ်တူဂီအသင်းက (၂-၁) ဂိုးနဲ့ နိုင်ခဲ့ပေမဲ့ ပွဲထွက်ကစားခဲ့တဲ့ ရော်နယ်ဒိုဟာ အပိုင်အခွင့်အရေးတွေ လွဲချော်ပြီး ၆၅ မိနစ်မှာ လူစားလဲခံခဲ့ရတာပါ။

ဒီခြေစွမ်းကြောင့် ကမ္ဘာ့ဖလားမှာ သူ့ကို အဓိကတိုက်စစ်မှူးအဖြစ် သုံးသင့်မသုံးသင့် အငြင်းပွားစရာ ဖြစ်လာပါတယ်။

ဒါပေမဲ့ နည်းပြ ရောဘတ်တိုမာတီနက်ဇ်ကတော့ ရော်နယ်ဒိုဟာ အသင်းအတွက် အရေးပါဆဲပဲလို့ ကာကွယ်ပြောဆိုထားပါတယ်။

ပေါ်တူဂီအသင်းဟာ ကမ္ဘာ့ဖလားအုပ်စုပွဲစဉ်တွေအဖြစ် ကွန်ဂို၊ ဥဇဘက်ကစ္စတန်၊ ကိုလံဘီယာတို့နဲ့ ယှဉ်ပြိုင်ရမှာ ဖြစ်ပါတယ်။