ရန်ကုန်တိုင်း၊ ကွမ်းခြံကုန်းမြို့နယ်က သံဃာတော်နှစ်ပါးမှာ နိုဝင်ဘာ ၂၂ ရက်နေ့က ကိုဗစ်-၁၉ရောဂါပိုး တွေ့ရှိခဲ့တယ်လို့ ကျေးလက်ကျန်းမာရေးဦးစီးဌာနကနေ သိရပါတယ်။

ကွမ်းခြံကုန်းမြို့နယ်၊ ကော့ဒွန်းကျေးရွာက ဇေယျဝတီကျောင်းတိုက်ရဲ့ ကျောင်းထိုင်ဆရာတော် ဦးပညာစက္ကနဲ့ သံဃာတော် ဦးသီလဝံသတို့ဟာ အနံ့မရတဲ့အတွက် Test Kit နဲ့ စစ်ဆေးရာကနေ ရောဂါပိုး တွေ့ရှိခဲ့တာဖြစ်ပါတယ်။

ပို့တွေ့သံဃာနှစ်ပါးနဲ့ ထိတွေ့ထားတဲ့ သံဃာ ၃ ပါး၊ ကိုရင် ၃ ပါးနဲ့ လူပုဂ္ဂိုလ် ၆ ဦးကိုတော့ အဲဒီကျောင်းတိုက်မှာပဲ ကွာရန်တင်းထားထားတယ်လို့ ကွမ်းခြံကုန်းမြို့နယ်၊ ဒရယ်လူးကျေးလက်ကျန်းမာရေးဦးစီးဌာနမှူး ဦးညီညီလွင်က ပြောပါတယ်။

လက်ရှိမှာ ပိုးတွေ့သံဃာနှစ်ပါးကို ဆေးကုသမှုခံယူဖို့ ဗဟန်းမြို့နယ်က အဘိစမ္မရတနာယရ အဘိဓမ္မာ ဓမ္မဗိမာန်တော်ကြီး ကုသရေးစင်တာကို ပို့ဆောင်ထားတယ်လို့ သိရပါတယ်။

နိုဝင်ဘာ ၂၂ ရက်နေ့အထိ ကွမ်းခြံကုန်းမြို့နယ်မှာ ကိုဗစ်-၁၉ အတည်ပြုလူနာ ၂၁၁ ဦး တွေ့ရှိထားပြီး ရောဂါသက်သာလို့ ဆေးရုံကဆင်းလာသူ ၁၆၂ ဦးနဲ့ သေဆုံးသူကတော့ ၈ ဦး ရှိသွားပြီ ဖြစ်ပါတယ်။

သတင်း - လွင်မိုးအောင်