မနေ့ညက ထုတ်ပြန်ခဲ့တဲ့ ကိုဗစ်-၁၉ ပိုးတွေ့လူနာအသစ် ၉၈၇ ယောက်အထဲမှာ ၈၉၆ ယောက်က ရန်ကုန်တိုင်းက ဖြစ်တယ်လို့ ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ည ထုတ်ပြန်ချက်အရ သိရပါတယ်။
ခုတွေ့ရှိရတဲ့ ကိုဗစ်-၁၉ ပိုးတွေ့လူနာတွေထဲမှာ ရန်ကုန်တိုင်းမြို့နယ်တွေထဲက ဒလမြို့နယ်မှာ ၁၁၁ ယောက်၊ လှိုင်သာယာမြို့နယ်မှာ ၁၀၃ ယောက်နဲ့ အများဆုံးပါဝင်နေပြီး စုစုပေါင်း မြို့နယ် ၄၁ မြို့နယ် ပါဝင်နေတာ ဖြစ်ပါတယ်။
ကျန်တဲ့ တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ မန္တလေးတိုင်း မြို့နယ် ၁၁ ခုမှာ ၃၁ ယောက်၊ ဧရာဝတီတိုင်းမြို့နယ် ၁၀ ခုမှာ အယောက် ၂၀၊ ပဲခူးတိုင်းမြို့နယ် ၇ ခုမှာ ၁၆ ယောက်၊ ရခိုင်ပြည်နယ်မြို့နယ် ၅ ခုမှာ ၁၂ ယောက်၊ စစ်ကိုင်းတိုင်းမြို့နယ် ၃ ခုမှာ ၃ ယောက်၊ မကွေးတိုင်းမြို့နယ် ၃ ခုမှာ ၃ ယောက်၊ နေပြည်တော်က ၂ ယောက်၊ မွန်ပြည်နယ် ၊ ရှမ်း ပြည်နယ်(မြောက်ပိုင်း)၊ ချင်းပြည်နယ်နဲ့ တနင်္သာရီတိုင်းတို့မှာ ၁ ယောက်စီ အသီးသီး တွေ့ရှိခဲ့ရတာပါ။
မြန်မာနိုင်ငံမှာ အောက်တိုဘာ ၅ ရက်ည ၈ နာရီအထိ ကိုဗစ်-၁၉ အတည်ပြု လူ နာစုစုပေါင်း ၁၈,၇၈၁ ယောက် ၊ သေဆုံးသူ ၄၄၄ ယောက်နဲ့ ဆေးရုံက ဆင်းခွင့်ရသူ ပေါင်း ၅၅၄၈ ယောက် ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
