ကိုကိုးကျွန်းကလွဲပြီး ကျန်မြို့နယ်အားလုံးမှာ Stay at Home အမိန့်ထုတ်ပြန်ထားတဲ့ ရန်ကုန်တိုင်းဒေသကြီးကို Lockdown အပြည့်ချဖို့ အစီအစဉ် မရှိသေးဘူးလို့ သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောပါတယ်။
ရန်ကုန်တိုင်းဒေသကြီးကို အောက်တိုဘာ ၅ ရက်နေ့ တနင်္လာနေ့က စတင်ပြီး Lockdown ပြုလုပ်မယ်လို့ ကောလာဟလတွေ ထွက်ပေါ်နေတဲ့အပေါ် ညွှန်ကြားရေးမှူးချုပ် ဦးဇော်ဌေးက ငြင်းဆိုလိုက်တာပါ။
ရန်ကုန်ကို Lockdown ပြုလုပ်မှာမဟုတ်ဘဲ stay at home ကိုသာ တင်းတင်းကျပ်ကျပ်ဆောင်ရွက်သွားမယ်လို့ဆိုပါတယ်။
ဦးဇော်ဌေးက “ ကိုဗစ်-၁၉ ကာကွယ်ထိန်းချုပ် ကုသရေး အမျိုးသားအဆင့်ဗဟိုကော်မတီနဲ့ ကျန်းမာရေးနဲ့အားကစားဝန်ကြီးဌာနအနေနဲ့ လတ်တလောမှာ ရန်ကုန်ကို Complete Lockdown လုပ်ဖို့မရှိသေးပါဘူး။ ယခင်ထုတ်ပြန်ထားတဲ့အတိုင်း Strictly Stay at Home ကိုပဲ ကြပ်ကြပ်မတ်မတ် လိုက်နာဆောင်ရွက်ခိုင်းထားပါတယ် ” လို့ ပြောပါတယ်။
ရန်ကုန်တိုင်းဒေသကြီးမှာ ကိုဗစ်-၁၉ အတည်ပြုလူနာတွေ့ရှိမှု မြင့်တက်လာခဲ့ပြီးနောက် စက်တင်ဘာလဆန်းပိုင်းကစလို့ ကိုကိုးကျွန်းကလွဲပြီး ကျန်တဲ့ မြို့နယ်အားလုံးမှဦ Stay at Home အဖြစ် ကြေညာထားခဲ့တာပါ။
မြန်မာနိုင်ငံမှာ စက်တင်ဘာ ၄ ရက်ညပိုင်း ၈ နာရီအထိ ကိုဗစ်-၁၉ အတည်ပြုလူနာ ပေါင်း ၁၇၇၉၄ ယောက်တွေ့ ရှိထားရာမှဦ ရန်ကုန်တိုင်းဒေသကြီးက အများဆုံးဖြစ်နေပြီး စက်တင်ဘာ ၃ ရက် တစ်ရက်တည်း ရန်ကုန်တိုင်းမှာ အတည်ပြုလူနာ ၁၀၄၆ ဦးတွေ့ရှိထားပါတယ်။
သတင်း - ဖြိုးသက်ပိုင်မြင့် (နေပြည်တော်)
