Homeမြန်မာသတင်း
ဓာတ်ခွဲနမူနာ ၇၆၁ ခု စစ်ဆေးချက်အရ ကိုဗစ်-၁၉ ရောဂါပိုးမတွေ့၊ လူနာ ၂၉၀ တွင် ပိုးကင်းစင်သူ ၂၀၀ ရှိလာ
ဓာတ်ခွဲနမူနာ ၇၆၁ ခု စစ်ဆေးချက်အရ ကိုဗစ်-၁၉ ရောဂါပိုးမတွေ့၊ လူနာ ၂၉၀ တွင် ပိုးကင်းစင်သူ ၂၀၀ ရှိလာ
DVB
·
June 22, 2020
ဇွန် ၂၁ ရက်နေ့အတွက် ဒုတိယသုတ်အဖြစ် ဓာတ်ခွဲနမူနာ ၇၆၁ ခုအား စစ်ဆေးချက်အရ ကိုဗစ်-၁၉ ရောဂါပိုး မတွေ့ဘူးလို့ ကျန်းမာရေးနှင့်အားကစားဝန်ကြီးဌာန ဒီနေ့မနက် ထုတ်ပြန်ပါတယ်။
အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၅၆၆ ခုနဲ့ ပြည်သူ့ကျန်းမာရေးဓာတ်ခွဲမှုဆိုင်ရာဌာန(မန္တလေး) က ဓာတ်ခွဲနမူနာ ၁၉၅ ခု၊ စုစုပေါင်း ဓာတ်ခွဲနမူနာ (၇၆၁) ခုအား စစ်ဆေးခဲ့တာပါ။
မနေ့ညက ပထမသုတ်အဖြစ် ဓာတ်ခွဲနမူနာ ၈၀၉ ခု စစ်ဆေးရာမှာတော့ ကိုဗစ်-၁၉ အတည်ပြုလူနာသစ် ၃ ဦး တွေ့ရှိခဲ့ပါတယ်။
လူနာသစ် ၃ ဦးကတော့ ပဲခူးတိုင်း လက်ပံတန်းမြို့နယ်က အသက် ၃၅ နှစ်အရွယ် အမျိုးသားတစ်ဦး၊ နေပြည်တော် လယ်ဝေးမြို့နယ်က အသက် ၂၅ နှစ်အရွယ် အမျိုးသားတစ်ဦးနဲ့ ရန်ကုန်တိုင်း၊ ကျောက်တံတားမြို့နယ်က အသက် ၂၃ နှစ်အရွယ် အမျိုးသားတစ်ဦးတို့ဖြစ်ပြီး အားလုံးဟာ အသွားအလာ ကန့်သတ်စောင့်ကြည့်ခံထားရသူတွေ ဖြစ်ကြပါတယ်။
မြန်မာနိုင်ငံတဝန်းမှာ ဇွန် ၂၂ ရက် မနက် ၈ နာရီအထိ ကိုဗစ်-၁၉ ရောဂါဓာတ်ခွဲ အတည်ပြုလူနာအယောက် ၂၉၀၊ သေဆုံးသူ ၆ ယောက်၊ ရောဂါပိုးကင်းစင်လာသူအယောက် ၂၀၀ နဲ့ ဒီအထဲက ဆေးရုံက ဆင်းခွင့်ပြုခဲ့သူ ၁၈၃ ဦးရှိတယ်လို့ ကျန်းမာရေးဌာန ထုတ်ပြန်ချက်အရ သိရပါတယ်။