အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်)က ဧပြီ ၁၈ ရက်နေ့ ပထမအသုတ်စစ်ဆေးခဲ့တဲ့ ဓာတ်ခွဲနမူနာ ၉၁ ခု အနက် ၂  ဦးမှာ COVID-19 ရောဂါပိုး တွေ့ရှိရတယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ပါတယ်။  

အဆိုပါလူနာ ၂ ဦးကို သက်ဆိုင်ရာဆေးရုံတွေကို လွှဲပြောင်းပြီး သီးခြားထားရှိကုသမှု ပေးသွားမယ်လို့လည်း ဒီကနေ့ည ၈ နာရီအချိန် ထုတ်ပြန်ချက်မှာ ဖော်ပြပါတယ်။ 

မြန်မာနိုင်ငံမှာ ဧပြီလ ၁၈ ရက်နေ့အထိ  COVID-19 ဓာတ်ခွဲအတည်ပြုလူနာ စုစုပေါင်း ၉၆ ဦးအထိရှိသွားပြီဖြစ်ပြီး  သေဆုံးသူကတော့ ၅ ဦးရှိပါတယ်။

ရောဂါကူးစက်ခံရပြီးနောက်  ပိုးမတွေ့ရတော့ဘဲ ပြန်ကောင်းလာသူ ၅ ဦးရှိပြီး ဒီအထဲက   ၂ ဦးကတော့ ဆေးရုံမှ ဆင်းခွင့်ရရှိသွားပြီဖြစ်ပါတယ်။

အတည်ပြုလူနာတွေအထဲက ၃ ဦးကိုတော့ အထူးကြပ်မတ်ကုသဆောင်တွေမှာ ကုသမှုပေးနေပြီး  ကျန်လူနာတွေရဲ့ အခြေအနေမှာ တည်ငြိမ်ကောင်းမွန်နေတယ်လို့ ကျန်းမာရေးဌာန ထုတ်ပြန်ချက်အရ သိရပါတယ်။ 

PHOTO-MOHS