အာရပ်စော်ဘွားများပြည်ထောင်စု (UAE) ကို အီရန်က မေ ၄ ရက်မှာ ဒရုန်းတွေ ဒုံးကျည်တွေနဲ့ တိုက်ခိုက်ခဲ့ပြီးနောက် ဒူဘိုင်းမြို့က ကျောင်းသားတွေဟာ အွန်လိုင်းကနေ စာသင်နေရပါတယ်။
တိုက်ခိုက်မှုအပြီး မကြာမီမှာပဲ (UAE) ပညာရေးဝန်ကြီးဌာနက တနိုင်ငံလုံးက အစိုးရနဲ့ ပုဂ္ဂလိက ကျောင်းအားလုံးမှာ မေ ၈ ရက်အထိ အဝေးကနေ သင်ကြားမှုကို အကောင်အထည် ဖော်မယ်လို့ ကြေညာခဲ့ပြီး လိုအပ်ရင် ကာလကို တိုးချဲ့နိုင်တယ်လို့ ပြောပါတယ်။
များသောအားဖြင့် UAE အာဏာပိုင်တွေက ဒုံးကျည်ခြိမ်းခြောက်မှုတွေကို သတိပေးဖို့ ပေးပို့လေ့ ရှိတဲ့ တနင်္လာနေ့ အရေးပေါ်သတိပေးချက်ကို အံ့အားသင့်မိတယ်လို့ အသက် ၁၆ နှစ်အရွယ် ကျောင်းသူ ဖီဂရီဒိုက ပြောပါတယ်။
ကျောင်းပတ်ဝန်းကျင်မှာ ရှိနေခြင်းကနေရတဲ့ လူမှုဆက်ဆံရေးကို လွမ်းဆွတ်နေလို့ ဒီ သတင်းက စိတ်ပျက်စရာ ကောင်းတယ်လို့ သူက ထပ်ပြောပါတယ်။
ကျောင်းအုပ်ကြီး ချီထရာရှာမာက ကမ္ဘာကြီးမှာ ဆင်ခြင် တုံတရား၊ သံတမန်ရေးနဲ့ ဆွေးနွေးပွဲတွေ ပေါ်ပေါက်လာတာကို မြင်ချင်တယ်လို့ ပြောပါတယ်။
UAE ပြည်ထဲရေးဝန်ကြီးဌာနက လူတွေဟာ သတိရှိရှိ ဆက်နေပြီး လိုအပ်တဲ့ ကြိုတင်ကာကွယ်မှု တွေ လုပ်နေချိန်မှာ ပုံမှန်လုပ်ငန်း ဆောင်တာတွေကို ပြန်လုပ်နိုင်တယ်လို့ တနင်္လာနေ့နှောင်းပိုင်းမှာ ပြောခဲ့ပါတယ်။
နာရီဝက်မပြည့်မီမှာ ဒေသခံတွေ ဘေးကင်းတဲ့ နေရာတခုကို ချက်ချင်းရှာဖို့နဲ့ နောက်ထပ် ညွှန်ကြားချက်တွေကို စောင့်ဆိုင်းဖို့ ဖုန်းသတိပေးချက်တခုကိုလည်း ထုတ်ပြန်ခဲ့ပါတယ်။
အမေရိကန်နဲ့ အီရန်အစိုးရတွေကြား ပါကစ္စတန်က ကြားဝင်စေ့စပ်ပေးတဲ့ အပစ်အခတ်ရပ်စဲရေးက ဧပြီ ၈ ရက်မှာ အသက်ဝင်ခဲ့ပြီး ပင်လယ်ကွေ့ဒေသမှာ တလကျော်ကြာနေတဲ့ ပြင်းထန်တဲ့ တိုက်ပွဲ တွေ ရပ်တန့်ခဲ့ပါတယ်။
Source:Reuters
