တနင်္သာရီတိုင်း လောင်းလုံးမြို့နယ် မောင်းမကန်‌မှာ ကိုရိုနာဗိုင်းရပ်ကူးစက်ရောဂါ ကြိုတင်ကာကွယ်ရေးအတွက် အသိပညာပေး လက်ကမ်းစာစောင်တွေ ဖြန့်ဝေခဲ့ပါတယ်။

မောင်းမကန်ကျေးရွာ အုပ်ချုပ်ရေးမှူး၊ ကျေးလက်ကျန်းမာရေး တိုက်နယ်ဆေးရုံ၊ မေတ္တာလှိုင်း လူမှုကူညီရေးအသင်းနဲ့ ဒေသခံတွေက မတ် ၂၁ နဲ့ ၂၂ ရက်နေ့တွေမှာ ကိုရိုနာဗိုင်းရပ်စ်ကာကွယ်ရေး လက်ကမ်းစာစောင်တွေ ဖြန့်ဝေခဲ့ကြတာပါ။



ဒေသတွင်းမှာ အခြားနိုင်ငံတွေက ပြန်လာသူတွေကို စောင့်ကြည့်ဖို့၊ ချောင်းဆိုး၊ နှာစေး၊ ဖျားနေတယ်ဆိုရင် ရပ်ကျေးအုပ်ချုပ်ရေးအဖွဲ့ကို အကြောင်းကြားဖို့နဲ့ သက်ဆိုင်ရာ အနီးစပ်ဆုံး ကျန်းမာရေးဌာန၊ ကုသရေးဌာနတွေနဲ့ ဆက်သွယ်ပို့ဆောင်ဖို့ စတာတွေကို တာဝန်ရှိသူတွေက ပြောဆိုခဲ့တယ်လို့ သိရပါတယ်။





ဓာတ်ပုံ - အောင်သူ