ပြီးခဲ့တဲ့ မတ်လက ဖြေဆိုခဲ့ကြတဲ့ ၂ဝ၂၆ ခုနှစ်အတွက် တက္ကသိုလ်ဝင်စာမေးပွဲနဲ့ စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ အောင်စာရင်းတွေကို လာမဲ့ ဇွန် ၂၈ ရက် တနင်္ဂနွေနေ့မှာ ကြေညာမယ်လို့ စစ်အာဏာရှင်လက်အောက်ခံ မြန်မာနိုင်ငံစာစစ်ဦးစီးဌာနက ထုတ်ပြန်ပါတယ်။

စာမေးပွဲ ၂ ခုလုံးရဲ့ အောင်စာရင်းတွေကို အဲဒီနေ့ မနက် ၄ နာရီမှာ စာစစ်ဦးစီးဌာရဲ့ result.dme.gov.mm မှာ ခုံနံပါတ်နဲ့ ဝင်ရောက်ကြည့်ရှုနိုင်မှာဖြစ်သလို www.myanmarexam.org မှာလည်း ကြည့်ရှုနိုင်မှာဖြစ်ပါတယ်။

ပြီးတော့ မြို့နယ်တွေမှာရှိတဲ့ သက်ဆိုင်ရာစာစစ်ဌာနကျောင်းတွေမှာလည်း ကပ်ထားမှာဖြစ်ပြီး မနက် ၆ နာရီမှာ စတင်ကြည့်ရှုနိုင်မှာဖြစ်ပါတယ်။

မတ် ၁၁ ရက်ကနေ ၁၇ ရက်အထိ စစ်အာဏာရှင်ပြုလုပ်တဲ့ ၂၀၂၆ ခုနှစ် တက္ကသိုလ်ဝင်စာမေးပွဲမှာ ကျောင်းသား ကျောင်းသူပေါင်း ၂၆၅,၀၀၀ ကျော် ဖြေဆိုဖို့ စာရင်းသွင်းထားခဲ့ပါတယ်။

၂၀၂၅ ခုနှစ် တက္ကသိုလ်ဝင်စာမေးပွဲရဲ့ အောင်စာရင်းကိုတော့ ၂၀၂၅ ခုနှစ်၊ ဇူလိုင် ၂၇ ရက်နေ့က ထုတ်ပြန်ခဲ့ပြီး အောင်ချက် ၄၈ ရာခိုင်နှုန်းပဲရှိခဲ့ပါတယ်။