၂၀၁၂ ခုနှစ်မှ ၂၀၂၄ ခုနှစ်အထိ မြန်မာစစ်တပ်ရဲ့ စစ်အသုံးစရိတ် စာရင်းအချက်အလက်တွေကို ကြည့်ရှုရာမှာ အတက်အကျ ပြောင်းလဲမှုတွေရှိပေမဲ့ ပျမ်းမျှအားဖြင့် မြင့်တက်နေတဲ့ လမ်းကြောင်းကိုသာ ပြသနေပါတယ်။
အထူးသဖြင့် ၂၀၂၄ ခုနှစ်မှာ စစ်အသုံးစရိတ်ဟာ ဒေါ်လာ ၅,၀၁၀ သန်းအထိ ရောက်ရှိလာပြီး ၂၀၂၃ ခုနှစ်နဲ့ နှိုင်းယှဉ်ပါက ၂ ဆကျော် တိုးမြှင့်လာခဲ့ပါတယ်။
၂၀၁၂ ခုနှစ်မှာ ဒေါ်လာ ၂,၉၇၀ သန်းရှိခဲ့တဲ့ စစ်အသုံးစရိတ်ဟာ ၂၀၂၄ ခုနှစ်မှာ ဒေါ်လာ ၅,၀၁၀ သန်းထိ တိုးတက်လာခဲ့ပြီး ဒါဟာ ကာလတလျှောက် စုစုပေါင်းအားဖြင့် ခန့်မှန်းချေ ၆၈ ဒသမ ၇ ရာခိုင်နှုန်းလောက် တိုးမြှင့်လာတာ ဖြစ်ပါတယ်။
တနှစ်ချင်း ပျမ်းမျှတိုးတက်နှုန်းကို တွက်ချက်ကြည့်ရာမှာ စစ်အသုံးစရိတ်ဟာ နှစ်စဉ် ပျမ်းမျှအားဖြင့် ၄ ဒသမ ၅ ရာခိုင်နှုန်းလောက် တိုးမြှင့်လာခဲ့တာကို တွေ့ရပါတယ်။
၂၀၂၁ ခုနှစ် စစ်အာဏာသိမ်းနောက်ပိုင်း မြန်မာစစ်တပ်ဟာ ပြည်ပမှ ဝယ်ယူထားတဲ့ တိုက်လေယာဉ်တွေနဲ့ စစ်လက်နက်ပစ္စည်းတွေအတွက် ငွေပေးချေရမှုတွေ တိုးလာတာကြောင့် စစ်ရေးအသုံးစရိတ် မြင့်တက်လာနေတာကို ဒေတာတွေက ထင်ရှားစွာ ပြသနေပါတယ်။
