တရုတ်နိုင်ငံအနောက်တောင်ပိုင်း၊ ရှီကျန်းကိုယ်ပိုင်အုပ်ချုပ်ခွင့်ရဒေသက ဂျီရွန်နယ်စပ်ဂိတ်မှာ ဗုဒ္ဓဟူးနေ့က ဖြစ်ခဲ့တဲ့ မြေပြိုမှုကြီးအပြီး အင်ဂျင်နီယာတပ် ကယ်ဆယ်ရေးအဖွဲ့တွေက လက်ရှိ ဖြစ်နေတဲ့ ဘေးအန္တရာယ် တုံ့ပြန်ရေးလုပ်ဆောင်မှုတွေအတွက် အရေးကြီးတဲ့ အသက်ကယ်လမ်းကြောင်းဖြစ်တဲ့ အမျိုးသားအဝေးပြေး လမ်းမကြီး G216 ရဲ့ ပြတ်တောက်နေတဲ့ အစိတ်အပိုင်းတွေကို ရှင်းလင်းဖို့ စစ်ဆင်ရေးတခုကို စတင်ခဲ့ပါတယ်။
စနေနေ့က အဆိုးရွားဆုံး ထိခိုက်ခံရတဲ့ ဂျီရွန်နယ်စပ်ဂိတ်ကို ဦးတည်တဲ့ G216 လမ်းမကြီးရဲ့ ပျက်စီးနေတဲ့ အပိုင်းတွေကို ပြုပြင်ဖို့ နိုင်ငံပိုင်အင်ဂျင်နီယာနဲ့ ကယ်ဆယ်ရေးလုပ်ငန်း ချိုင်းနား အန်နန်က မြေတူးစက်တွေနဲ့ ဝန်ချီစက်တွေ အပါအဝင် ကယ်ဆယ်ရေး ကိရိယာ ၂၈ စုံကို ထိထိရောက်ရောက် သုံးခဲ့ပါတယ်။
မြစ်ရေလျှံလို့ အနားကသစ်ပင်ကြီးတွေ ရေတိုက်စားသွားပြီး မိုးရွာလို့ ရှင်းလင်းရေးလုပ်ငန်းတွေ ပိုရှုပ်ထွေးခဲ့ပါတယ်။
နေ့လယ်ပိုင်းမှာ ရှီကျန်း သယ်ယူပို့ဆောင်ရေးအာဏာပိုင်အဖွဲ့က သံမဏိအားဖြည့်ပစ္စည်း ပထမအသုတ်ကို မြေပြိုတဲ့နေရာဆီ ပို့ဆောင်ပေးခဲ့ပါတယ်။
ကယ်ဆယ်ရေးအဖွဲ့တွေက အန္တရာယ်အကဲဖြတ်မှုတွေကို သိပ္ပံနည်းကျ ဆောင်ရွက်နေပြီး နောက်ဆက်တွဲ ဘေးအန္တရာယ်တုံ့ပြန်ရေးလုပ်ငန်းတွေ အားလုံးရဲ့ ဘေးကင်းမှုနဲ့ ထိရောက်မှုကို သေချာစေဖို့ ရေဒါစနစ်တွေ ဒရုန်းတွေကတဆင့် ပတ်ဝန်းကျင်က အန္တရာယ်တွေကို အဆက်မပြတ် စောင့်ကြည့်နေပါတယ်။
နီပေါနိုင်ငံဘက်ခြမ်းက မြင့်မားတဲ့ ရေခဲမြစ်ပြိုကျမှုကြောင့် အသက်ဆုံးရှုံးမှုများတဲ့ မြေပြိုမှု ဖြစ်ခဲ့တာပါ။
စနေနေ့ မနက် ၁ နာရီအထိ တရုတ်ဘက်ခြမ်းက ဂျီရွန်မှာ လူ ၇ ယောက်သေဆုံးပြီး ၅၅၄ ယောက် ပျောက်ဆုံးနေတယ်လို့ ဒေသန္တရ အရေးပေါ်စီမံခန့်ခွဲမှုဌာနက ပြောပါတယ်။
Source: Reuters
